Ouvir RAFA Ritmo, Voz e Coração de Timor
Díli, 11 Novembru 2026 (RAFA)¬- Ministru Interiór (MI), Francisco da Costa Guterres informa, Governu sosa karreta operasaun hamutuk unidade ualu ba Polísia Nasionál Timor-Leste (PNTL) hodi apoiu servisu Unidade Patrollamentu Fronteira (UPF) ho Unidade Espesiál Polísia (UEP).
“Karreta ne’e ba UPF no UEP, kompostu husi unidade haat ba UPF no unidade haat ba UEP hodi bele ajuda sira halo operasaun mais efetivu,” hatete Ministru Interiór ba jornalista sira iha Parlamentu Nasionál (PN) Tersa-ne’e.
Governante ne´e haktuir orsamentu ne’ebé sosa karreta tinan ida ne’e kuaze millaun tolu, maibé la’ós karreta de’it, hola mós ekipamentu CCTV balun no fardamentu.
“Tinan ida ne’e kuaze millaun tolu USD ba sosa karreta, maibé la’ós karreta de’it, ita sosa ekipamentu CCTV balun, hola tan fardamentu,” Ministru Francisco da Costa Guterres hateten.
Ministru ne´e labele esplika klean kona-bá karreta nia laran no mai husi nasaun ne’ebé, maibé lembra karreta ualu ne’e nia kustu la to’o millaun ida.
Fulan-Novembru agora polísia sira bele uza ona karreta ualu ne’ebé Governu sosa ba operasaun nian. Tamba karreta espesiál polísia foun ne’e atu ajuda operasaun loron no kalan sai efetivu liu tan, no kontinua aumenta tan iha tinan oin hodi fó kbiit ba autoridade seguransa.
Jornalista: Juvinal Cabral dos Santos
Written by: RafaFM
Governu Sosa Karreta Ualu Ba PNTL Hodi Apoiu Servisu UPF ho UEP
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt