Ouvir RAFA Ritmo, Voz e Coração de Timor
Díli, 13 Outubru 2026 (RAFA)- Governu liu husi Minsiteriu Juventude Desportu no Arte Kultura (MJDAC), hamutuk ho Ministériu Komérsiu Indústria (MCI), iha kompromisu servisu maka’as atu prezerva tradisaun soru tais ba jerasaun foun sira, nune’e kontinua soru no habelar tradisaun ne´e ba futuru.
Ministru Juventude Desportu Arte no Kultura MJDAK, Nélio Isaac Sarmento, iha palasiu Prezidensiál, Tersa-ne´e, hatete tanba tais la’ós de’it oinsá atu prodús buat ruma atu hatais, maibé tais ne’e hanesan eransa ida ne’ebé husi beiala sira.
iha tinan 2021, UNESCO rekoñese tais ne’e hanesan patrimóniu kulturál Timor-Leste nian.
“Entaun ho esforsu sira hotu, governu liu husi Sekretáriu Estadu Arte no Kultura servisu hamutuk ho parseriu no grupu rede soru na’in oinsá mak prezerva tais ne’e, no kontinua husi jerasaun ida ba jerasaun seluk,” hatete Ministru, Nélio Isaac Sarmento
Governante ne´e agradese ba Prezidente Repúblika, José Ramos-Horta lideransa ida ne’ebé sempre iha kualkér atividade tais sai hanesan parte ida husi nia promosaun ba ida ne’e.
Iha fatin hanesan, Diretora Ezekutiva Timor Aid, Maria do Ceu Lopes hatete, Timor Aid mak jere asosiasaun Rede Soru Na’in, tinan haat ona, desde asosiasaun rede soru na’in moris, kada tinan realiza tais forum hodi bele fó informasaun ba públiku, doador, grupu sosiédade sivíl no mós ba Timor-Leste tomak.
“Tanba tais ita hatene ona katak, ita nia identidade kulturál, entaun rede soru na’in nia kna’ar loloos tuir UNESCO nia rekezitu prezervasaun, halo impoderamentu ba asosiasaun sira iha loja ida ne’ebé UN WOMEN, SEAK mós tau osan iha Pateo hodi hadia sira nia moris no sustentabilidade, tanba soru tais labele lakon,” hatete Diretora Ezekutiva Timor Aid, Maria do Ceu Lopes.
Responsavel ba Soru Na’in husi Munisípiu Baucau, Esperansa Bendita Guterres hatete, difikuldade barak mak sira infrenta, hanesan kona-bá kabaas naturál, prosesu atu halo tais.
Nia argumenta maske difikuldade maibé sira nia esperansa atu proteze rikusoin ida ne’ebé beiala sira husik hela mak tais.
“Kona-ba hafolin tais katak ami nia hakarak iha kedas padraun atu bele folin loloos ba tais sira ne’e tenke iha. Husu ba MJDK no MCI atu bele haforsa inan soru na’in, liu-liu ba iha fundus nune’e bele garante nia sustentabilidade,” hatete Esperansa Bendita Guterres.
Jornalista: Cristina Ximenes
Written by: RafaFM
Governu Servisu Maka'as Prezerva Tradisaun Soru Tais Ba Jerasaun Foun sira
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt