play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Destaque

Governu Selebra Akordu Finansiamentu Entre CRESCE no E-JUS TL

todayMay 13, 2026 22

Background
share close

Reuniaun Konsellu Ministru, Kuarta (13/05/2026). Imajen/gov.tl

Díli, 13 Maiu 2026 (RAFA.tl)-Konsellu Ministru, Kuarta (13/05/2026), delibera hodi autoriza selebrasaun akordu finansiamentu entre Repúblika Demokrátika Timor-Leste no Uniaun Europeia relasiona ho asaun “Kriasaun no Dezenvolvimentu Negósiu Sustentável no Ekonomia Sirkulár (CRESCE)” no “Governasaun Eletrónika ba Sistema Judisiál iha Timor-Leste (e-JUS TL)”.

Programa CRESCE, ho finansiamentu euro millaun tolu (maizumenus dólar amerikanu millaun 3,5), ne’ebé ho objetivu apóia kriasaun no dezenvolvimentu negósiu sustentável no mós inisiativa ekonomia sirkulár nian iha Timor-Leste, hodi promove diversifikasaun ekonómika, kriasaun empregu, no mós modelu produsaun no konsumu nian ne’ebé sustentável ba ambiente.

Konsellu Ministru dezigna Vise-Primeiru-Ministru no Ministru Koordenadór Asuntus Ekonómiku atu asina ninia akordu hodi Governu nia naran.

Inisiativa e-JUS TL, ho finansiamentu euro millaun neen (maizumenus dólar amerikanu millaun hitu), ho objetivu atu hametin governasaun eletrónika iha sistema judisiál nasionál, hodi kontribui hadi’a asesu ba justisa, aumenta efisiénsia no asesibilidade ba servisu judisiál sira, no mós hasa’e konfiansa públika iha instituisaun justisa, liu hosi ferramenta transformasaun dijitál no governasaun eletrónika. Ba akordu ida-ne’e, Ministru Justisa hetan dezignasaun nu’udár reprezentante Governu nian ba asinatura instrumentu finansiamentu.

Jornalista: Remígia Locatelli/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!