Noticias

Governu Sei Halo Manutensaun Ba Estrada Antigu no Kontinua Alargamentu

todayNovember 10, 2026 24

Background
share close

Díli 10 Novembru 2026 (RAFA)— Governu sei halo manutensaun ba Estrada antigun sira no kontinua halo alargamentu atu hadi’a kodisaun infraestrutura no hamenus engarrafamentu ne’ebé aumenta iha kapitál Díli.

Ministru Obras Publikas, Samuel Marçal,  esplika, tuir prátika internasionál, estrada asfalte ka aspal presiza hetan manutensaun periódika, normalmente depois tinan lima to’o hitu, maibé estrada balu iha Timor-Leste liu ona tinan sanulu resin seidauk hetan manutensaun adekuada.

“Se ita atu hadia, la’ós atu taka de’it kuak, presiza hadia kedan. Imi haree hela, ita-nia karreta loro-loron aumenta. Ita-nia rai la aumenta, entaun ita presiza halo alargamentu no mós hadia rotunda sira ne’ebé afeta ba iha engrrafamentu,” hatete MOP, Samuel Marçal ba jornalista sira iha Parlamentu Nasionál, Tersa-ne’e.

Nia reforsa, governu presiza alarga estrada no hadi’a rotunda sira ne’ebé sai fatór ida hamosu engarrafamentu, liuliu iha área movimentu tráfiku ne’ebé aas.

Ministru Obras Públika, Samuel Marçal mós temi katak, valeta barak intupidu ona, inklui infraestrutura ne’ebé kleur ona seidauk hetan manutensaun.

Governu liu husi Ministériu Obras Públika konsidera manutensaun estrada no hadi’a infraestrutura nu’udar prióridade atu garante seguransa no fasilita movimentu tráfiku ba públiku.

Jornalista: Cristina Ximenes

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!