Ouvir RAFA Ritmo, Voz e Coração de Timor
PM Xanana Gusmão hato'o intervensaun iha selebrasaun loron nasionál feto ba dala-50 iha CCD, Sesta 6 Novembru 2026.
Díli, 06 Novembru 2026 (RAFA)- Primeiru-Ministru Kay Rala Xanana Gusmão liuhosi nia diskursu iha komemorasaun loron nasionál feto Timor-Leste ba dala-50 iha Centro Convencoens Díli CCD hatete, selebrasaun ida-né’e hanesan momentu ida atu hanoin fila-fali istória, fó omenajen ba eroína sira ne’ebé sakrifika sira-nia moris ba liberdade, avalia progresu ne’ebé atinje ona no hametin responsabilidade ba jerasaun foun sira.
“Há’u hakarak afirma ho laran tomak independénsia Timor-Leste la hetan de’it husi sakrifísiu mane sira, maibé mós husi korajen, kontribuisaun no sakrifísiu feto Timoroan sira. Tanbane’e, ita iha obrigasaun atu rejista sira-nia istória, valorizasira-nia kontribuisaun no garante katak jerasaun foun aprende husi sira-nia ezemplu. Ita-nia obrigasaun la’ós de’it atu fó omenajen ba feto eroínasira ne’ebé mate ona, maibé atu garante katak feto sira ne’ebémoris ohin loron iha direitu, oportunidade, seguransa no dignidade hanesan,” hatete Primeiru-Ministru Kay Rala Xanana Gusmão.
PM Xanana Gusmão afirma, eroína, hanesan Saudoza Maria Tapó, ne’ebé tuir textamuña istóriku mate iha luta iha loron 3 Novembru 1975, sai símbolu korajen no kompromisu ba liberdade. Nia reprezenta feto barak iha aldeia, suku no foho sira ne’ebé sira-nia kontribuisaun seidauk hetan rejistu kompletu iha istória ofisiál.
Xefe Governu ne’e informa, IX Governu Konstitusionál konsidera igualdade jéneru no inkluzaun sosiál nu’udár responsabilidade Governu tomak nian no parte importante husi konstrusaun Estadu no dezenvolvimentu sustentável.
Xanana Gusmão adianta, Governu kontinua promove independência ekonómika feto nian, lideransa no partisipasaun iha tomada desizaun, asesu ba edukasaun, formasaun profisionál, oportunidade negósiu no protesaun basobrevivente violénsia.
PM Xanana mós adianta, iha Orsamentu Jerál Estadu OJE 2026, liuhusi sistema Gender Budget Marker, alokasaun públika ne’ebé klasifika ho objetivuigualdade jéneru no inkluzaun sosiál atinji besik US$481.1 millaun. Ida-ne’e hatudu katak igualdade jéneru tenke sai responsabilidade setór hotu-hotu nian, husi saúde, edukasaun, agrikultura, protesaun sosiál to’o infraestrutura no dezenvolvimentu nasionál.
Jornalista: Zita Menezes
Written by: RafaFM
Governu Kontinua Promove Indepedénsia Ekonómia Feto Nian
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt