Governu Hahú Halo Diskusaun Ba Programa Prioridade sira 2027

Edifisiu Ministériu Finansas. Imajen/Espesiál

Díli, 17  Agostu  2026 (RAFA)- Governu liu husi liña ministeriál sira hahú halo diskusaun programa sira tinan 2027  iha  Komite Revizaun Orsamentu Polítika (KROP) ne’ebé preside husi Primeiru-Ministru Kay Rala Xanana Gusmão.

Sorumutuk KROP ne’ebé iha Auditóriu Ministériu Finansa, Díli,  Segunda-ne’e,  liña ministériu sira hahú halo  aprezentasaun ba  programa prioridade Governu ba tinan 2027 ne’ebé aprezenta uluk husi  Ministériu Justisa ho sira-nia programa prioridade numéru 27 ne’ebé mak ko’alia kona-bá titularidade ba rai nian no diskusaun numéru 15 kona-bá industria no peská ne’ebé iha aprezenta husi Ministériu Agrikultura, Peska, Pekuária no Floresta (MAPPF), no ajenda tuir mai sei aprezenta mós husi Ministériu Interiór.

“Ita ko’alia kona-bá programa prioridade Governu  nian mak ko’alia kona-bá peska, ekonómia azúl, entaun ita ko’alia kona-bá ligasaun entre Ministériu Koordenadór Asuntu Ekonomikú, haré ba amibénte, minstériu agrikulutra haré kona-bá peská no interior haré kona-bá defeza. Entaun Ministériu hirak ne’ebé iha asuntu iha relevante ko’alia kona-bá fronteira, seguransa infraestrutura sira ne’e tuur hamutuk para diskute saida mak prioridade liu,” Ministra Finansa Santina Cardoso informa ba jornalista sira .

Governante ne’e afirma liña ministériu sira ne’ebé aprezenta iha loron primeira ne’e liña Ministériu sira ne’ebé hatama tiha ona  sira nia orsamentu ba estimativa futura 2027  nian iha sistema.

Liuhosi programa priodidade sira ne’e Governu iha estimativa futuru mais programa prioridade hanesan orsamentu final ba entidade ida-idak no mós ba Governu tomak iha 2027

Atividade ne’e sei hala’o to’o iha loron 27 fulan-Agostu 2026, aprezentasaun ne’e sei ba liña ministériu ne’ebé mak iha programa foun no ministériu sira ne’ebé laiha programa foun sei la halo aprezentasaun.

Jornalista : Zita Menezes