Ouvir RAFA Ritmo, Voz e Coração de Timor
Díli, 16 Novembru 2026 (RAFA)- Haktuir ba proposta hosi Ministru Obras Públikas, Samuel Marçal, Segunda-ne’e, liuhusi Reuniaun Estraordináriu Konsellu Ministru, delibera hodi autoriza despeza no abertura hosi prosedimentu aprovizionamentu nian, liuhusi konkursu públiku, ba konstrusaun sub-estasaun elétrika foun rua iha Aileu no Ermera no mós rede ligasaun korrespondente 150 kV/20 kV, ho montante globál másimu estimadu dolar amerikanu millaun 14,33.
Iha komunikadu ofisiál ne´ebé RAFA asesu husi Pajina Ofisiál Governu hatete husi montante ida-ne’e, maizumenus millaun 26,65 USD aloka ba konstrusaun sub-estasaun no ninia rede ligasaun sira iha Aileu, no mós millaun 14,68 USD ba konstrusaun infraestrutura korrespondente iha Ermera.
“Projetu ne’e ho objetivu atu hadi’a rede transmisaun enerjia elétrika, hametin estabilidade no kualidade fornesimentu ba populasaun, no mós hamenus posibilidade ba interrupsaun eletrisidade (ahi mate), liuliu munisípiu sira ne’ebé iha foho sira,” RAFA sita Komunikadu.
Konsellu Ministru mós ho proposta hosi Ministru Obras Públikas, Samuel Marçal, delibera hodi autoriza despeza no abertura hosi prosedimentu aprovizionamentu, liuhosi ajuste diretu, ba aluga infraestrutura deskarga kombustivel nian (jetty e pipeline) ba sentrál elétrika Hera no Betanu, ba períodu tinan tolu, ho montante globál másimu kalkuladu dolar amerikanu millaun 28,99.
Husi montante ida-ne’e, maizumenus millaun 16,76 USD aloka ba aluga infraestrutura Hera, no millaun 12,22 USD ba infraestrutura Betanu.
Desizaun ida-ne’e ho objetivu atu garante kontinuidade operasaun deskarga kombustivel ne’ebé nesesáriu ba operasaun sentrál elétrika rua ne’e, tanba Eletricidade de Timor-Leste (EDTL, EP) seidauk iha infraestrutura rasik ba objetivu ida-ne’e. Hili hodi halo ajuste direitu, justifikadu tanba falta alternativa viavel ba deskarga kombustivel iha ninia fatin sira.
Jornalista: Zita Menezes
Written by: RafaFM
33 USD Ba Konstrusaun Sub-Estasaun Elétrika Foun Rua iha Aileu no Ermera Governu Autoriza Despeza Millaun 14
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt