Ouvir RAFA Ritmo, Voz e Coração de Timor
Díli 28 Outubru 2026 (RAFA)- Konsellu Ministru hala’o sorumutu iha Palásiu Governu, Dili, Kuarta-ne´e, hodi aprova projetu Dekretu-Lei, ne’ebé aprezenta hosi Vise-Primeiru-Ministru no Ministru Koordenadór Asuntu Ekonómiku, Francisco Kalbuadi Lay, no Governadór Banku Sentrál Timor-Leste (BCTL, sigla iha lian portugés), Hélder Lopes, kona-ba Rejime Jurídiku ba Utilizasaun Instrumentu Pagamentu Eletróniku iha Ezersísiu Atividades Ekonómika sira.
“Diploma ne’e estabelese obrigasaun ba operadores atividades ekonómikas atu disponibiliza no aseita instrumentu pagamentu eletróniku, ho objetivu atu promove efisiénsia, seguransa, transparénsia no rastreabilidade tranzasaun, nune’e mós dezenvolvimentu no utilizasaun sistema pagamentu nasionál,” RAFA sita Komunikadu.
Rejime ne’e abranje operadores atividades ekonómikas nian iha territóriu nasionál tomak, fornesedór servisu pagamentu nian sira ne’ebé hetan autorizasaun hosi BCTL, no mós Administrasaun Públika no entidade públika sira seluk, fó exesaun ba vendedór ambulante sira no ba atividade sira ne’ebé hala’o iha área remota sira ne’ebé laiha kondisaun téknika, teknolójika ka infraestrutura ne’ebé bele uza instrumentu sira-ne’e. Operadór sira ne’ebé inklui ona iha períodu fulan neen hodi adapta ho obrigasaun foun sira ne’e, tanba diploma ne’e tama iha vigór iha loron dahuluk fulan tuirmai hafoin nia publikasaun.
Jornalista: Zita Menezes
Written by: RafaFM
Governu Aprova Rejime Jurídiku Ba Utilizasaun Instrumentu Pagamentu Eletróniku iha Timor-Leste
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt