play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Governu Aprova Kalendáriu Resenseamentu Eleitorál iha Estranjeiru

todaySeptember 11, 2026 28

Background
share close

Reuniaun Konsellu Ministru iha Palásiu Governu, Sesta 11 Setembru 2026.

Díli, 11 Setembru 2026 (RAFA) – Governu liuhosi Reuniaun Konsellu Ministru iha Palásiu Governu, Sesta-ne’e, aprova projetu Dekretu Governu nian, ne’ebé aprezenta hosi Ministru Administrasaun Estatál, Tomás do Rosário Cabral, ne’ebé aprova kalendáriu resenseamentu eleitorál iha estranjeiru, iha ámbitu preparasaun ba eleisaun prezidensiál 2027 nian.

Tuir Komunikadu ofisiál Governu nian ne’ebé RAFA asesu haktuir  diploma ne’e estabelese katak operasaun rejistu no atualizasaun resenseamentu eleitorál nian iha estranjeiru sei hala’o hosi loron 8 fulan-outubru 2026 to’o 22 fulan-janeiru 2027.

Ho reforsu hosi rekursus materiais no umanus iha misaun diplomátiku prinsipál no mós postu konsulár sira no posibilidade instalasaun postu móvel sira. Períodu ne’ebé naruk ho objetivu mós atu permite atualizasaun dadus eleitór sira-nian ba sistema biométriku ne’ebé foun no mós fasilita ezersísiu direitu votu hosi sidadaun Timoroan sira ne’ebé hela iha estranjeiru.

Jornalista : Zita Menezes

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!