Ouvir RAFA Ritmo, Voz e Coração de Timor
Díli, 06 Novembru 2026 (RAFA)- Prezidente Institutu Nasionál Seguransa Sosiál (INSS), Zeferino Bobo da Costa, informa katak funsionáriu públiku reformadu hamutuk na´in-32 seidauk simu pagamentu pensaun tanba dokumentu sira seidauk kompletu.
Nia hateten rekerente funsionáriu reformadu sira husi Janeiru to’o Setembru ne’ebé rekere hamutuk na’in-1.985.
“Depois Seguransa Sosiál halo verifikasaun dadus, sira ne’ebé kompleta dadus halo ona pagamentu ba sira mak 1.953 falta de’it na’in-32 mak seidauk kompletu sira-nia dokumentu atu halo pagamentu,” hatete Prezidente INSS, Zeferino Bobo da Costa ba jornalista sira iha Díli, Sesta-ne’e.
Nia esplika, maibé sira-nia orsamentu nafatin iha, se sira kompleta iha fulan Novembru ne’e sei halo pagamentu fulan-Janeiru mai to’o fulan-Novembru. Tanba ne’e, INSS husu ba sira na’in-32 ne’ebé haruka ona sira nia data ba Komisaun Funsaun Públika atu buka tuir funsionáriu sira ne’e atu mai komplementa dadus ne’e, nune’e sira labele lakon sira nia direitu.
Nia mós husu ba benefisiáriu sira ne’e atu kolabora ho Komisaun Funsaun Públika hodi kompleta sira nia dokumentu.
Jornalista: Cristina Ximenes
Written by: RafaFM
Funsionáriu Reformadu Na´in-32 Seidauk Simu Pensaun Tanba Dokumentu La Kompletu
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt