play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Fundu Petróleu Atinji Biliaun 18,43 USD iha Trimestral Daruak Tinan 2026

todayAugust 7, 2026 75 1

Background
share close

Imajen/Repro.Espesiá

Díli, 7 Agostu 2026 (RAFA) – Kapital Fundu Petróleu Timor-Leste nian atinji biliaun 18,43 USD iha final trimestral daruak tinan 2026, tuir Relatóriu Trimestral ne’ebé Banku Sentrál Timor-Leste (BCTL) publika iha Sesta-ne’e.

Montante ida-ne’e sa’e kompara ho biliaun 18,31 USD ne’ebé rejista iha finál trimestral dahuluk.

Tuir Lei Fundu Petróleu, Ministériu Finansas mak responsável atu determina polítika no estratéjia investimentu, enkuantu BCTL mak responsabiliza ba jestaun operasionál Fundu Petróleu.

Relatóriu ne’e hatudu katak durante trimestral daruak, Fundu Petróleu simu reseita hamutuk millaun 9,62 USD.

Iha períodu hanesan, rendimentu brutu husi investimentu sira to’o millaun 719,09 USD. Husi montante ida-ne’e, millaun 141,48 USD mai husi jurus, kupon no dividendu, no millaun 577,61 USD mai husi aumentu valor ativu investimentu sira.

Ho rezultadu ida-ne’e, taxa rendimentu portefóliu Fundu Petróleu iha merkadu finanseiru atinji 4,05% durante trimestral ne’e, aas liu índise referénsia ne’ebé rejista 3,99%.

Relatóriu BCTL nian mós hatete katak durante trimestral ida-ne’e, total levantamentu husi Fundu Petróleu to’o millaun 603,8 USD.

Husi total ne’e, millaun 600 USD transfere ba Konta Tezouru atu finánsia Orsamentu Jerál Estadu (OJE), no millaun 3,80 USD seluk uza atu selu kustu jestaun investimentu sira.

Desde Fundu Petróleu estabelese, fundu ne’e halibur ona reseita hamutuk besik biliaun 25,30 USD no hetan rendimentu investimentu iha merkadu finanseiru hamutuk biliaun 12,65 USD. Ida-ne’e ekivale ba taxa média rendimentu anuál hamutuk 4,72%.

Iha períodu hanesan, total osan ne’ebé hasai husi Fundu Petróleu atu finánsia Orsamentu Jerál Estadu to’o biliaun 19,66 USD.

Jornalista: Mateus Romário

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!