Fokupers Fó Apresiasaun Ba Governu Ne’ebé Ezonera PAM Aileu João Bosco dos Santos

Diretora Fokupers Domingas Afonso Amaral.

Díli, 27 Jullu  2026 (RAFA.TL)- Fokupers  fó apresiasaun ba IX Governu ne’ebé ho seriédade ezonera Prezidente Autoridade Munisipál (PAM) João Bosco dos Santos relativa ho kazu ne’ebé atribui ba nia no viral iha mídia sosiál.

Diretora Fokupers Domingas Afonso Amaral, Segunda-ne’e iha Díli, haktuir liga ho kazu PM Aileu nian Fokupers fó apresiasaun tanba Governu liuhusi Primeiru-Ministru Xanana Gusmão foti desizaun ne’ebé mak ho sériu to’o ezonera João Bosco dos Santos husi nian posizaun  hanesan Pam Aileu.

Nia afirma Fokupers mós rejistu  kazu PAM sesante  Aileu nian ne’e hanesan mós kazu sira seluk, inklui fó asisténsia ba vitima sira.

“Ami nia posizaun, ami lamenta no lamenta ho hahalok lidér ka ema ne’ebé loloos hanesan iha posizaun atu bele asegura katak feto  no labarik feto no vulneravél sira hotu iha komunidade Aileu bele hetan moris ida ne’ebé livre husi disikriminasaun, livre husi hahalok insultu  no livre husi violénsia, maibé situasaun ne’e sei mosu,” nia tenik

Fokupers nia posizaun sei halo  advokásia no kontinua aproxima ho desizaun polítika sira relasiona kazu ne’e rasik.

Jornalista: Zita Menezes