Desporto

FND 2026 Voleibol: Ekipa Mane Bobonaro Elimina Iha Faze Apuramentu

todayNovember 21, 2026 18 5

Background
share close

Díli 21 Novemberu 2026 (RAFA)- Ekipa voleibol mane Munisípiu Bobonaro tenke simu konsekuensia no elimina iha faze apuramentu Festival Nasionál Desportu (FND) 2026, modalidade voleibol, hafoin sofre derrota hasoru Rejiaun Administrativu Espesiál Oé-Cusse Ambeno (RAEOA) ho rezultadu 3-0.

Jogu desizivu entre ekipa rua ne’ebé hala’o iha Jinaziu Desportu Díli (GDD), Sesta-ne’e, ekipa rua ne’ebé antes ne’e sofre derrota iha jogu dahuluk, hatudu determinasaun aas atu konkista vitária, hodi asegura sira-nia billete ba faze eliminasaun kuartu-finais.

Iha set dahuluk, RAEOA hahú ho dezenpeñu forte no hatudu dominasaun iha kampu, hodi manán ho diferensa pontu signifikativa 25-13, enkuantu Bobonaro la konsege fó rezisténsia sufisiente hasoru presaun adversáriu.

Kontinua ba set daruak, Bobonaro koko hasa’e nia nivel jogu no luta atu kompriende distánsia pontu, maibé RAEOA kontinua kontrola ritmu kompetisaun no konsege manan tan ho rezultadu 25-21.

Iha set datoluk, ne’ebé sai set determinante ba rezultadu ikus, RAEOA kontinua hatudu konsisténsia iha atake no deféza, hodi taka jogu ho vitoria 25-17.

Ho rezultadu 3-0 ne’e, RAEOA asegura nia pozisaun atu avansa ba faze kuartu-finais, enkuantu Bobonaro tenke hakotu nia viajen iha FND 2026 modalidade voleibol.

Grupu H kompostu husi ekipa tolu mak hanesan Viqueque, RAEOA ho Bobonaro

Jornalista: Davilio Valdamir/ Nelson Dias

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!