Ouvir RAFA Ritmo, Voz e Coração de Timor
Família, parente no kolega sira fó omenajen no solidaridade ba família matebian Palomita iha rezidensia Matadoru, Díli, Kinta 19 Novembru 2026.
Díli, 20 Novembru 2026 (RAFA) –Família matebian Palomita Gusmão Guterres, ne´ebé reprezenta husi Miguel Godinho Martins liuhosi konferénsia imprensa, Kinta-ne’e, iha matebian nia rezidénsia Matadoru, ejize ba autoridade kompetente, seguransa no tribunál atu hatur justisa ne´ebé justu no transparante hodi kondena asaun ne´ebé suspeitu komete.
Palomita Gusmão Guterres, lakon vida iha nia namoradu nia liman ho kondisaun tráziku iha Tasi-Tolu, Díli, Kuarta 18 Novembru 2026.
“Familia nia deklarasaun mak ne’e, Justisa tau aas liu buat hotu, buat seluk husu ba autoridade kompetente atu fó informasaun ne’ebé transparánsia no kle’an ba família no famiíia nia hakarak mak ne’e labele tán kontinuasaun situasaun ne’e ba bei-oan ka ha’u nia prima nia oan sira,” Miguel Godinho Martins hateten.
Reprezentante família ne’e haktuir, matebian Palomita Gusmão nu’udár ema ne’ebé hadomi familia, laiha problema ho ema seluk, moris iha sosiedade nia leet, nia atividade loro-loron mak tuir atividade igreja no foku ba nia eskola.
“Akontesimentu ida-ne’e hatudu ba ita katak, hanesan aman oan inan la simu realidade ne’ebé mak akontese, ha’u hatete ba Ita-boot sira ema nia aman ne’ebé mak halo ba nia ne’e mal edukadu ne’ebé mak la mosu iha familia, ha’u bele hatete katak familia mak la eduka nia oan, sé familia eduka nia oan karik la akontese buat ne’e,” nia lamenta.
Reprezentante família ne’e husu atu justisa hatuur aas liu buat hotu, labele haree ba kor no labele haree ba riku no ki’ak, tenke prosesa suspeitu tuir lei ne’ebé vigór.
Nia afirma hafoin akontesimentu ne’e família husi matebian Palomita Gusmão seidauk komunika ho família husi suspeitu nian hodi asegura situasaun ne’ebé la espera, no sira entrega kazu ne’e ba autoridade relevante mak sei hala’o nia servisu tuir lei.
Jornalista: Zita Menezes
Written by: RafaFM
Família Matebian Palomita Gusmão Ejize Justisa Ne´ebé Justu no Transparante
todayNovember 20, 2026 10 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt