play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

F-FDTL ho PNTL Halo Apreensaun Ba Sasán Kontra Bandu no Detein Suspeitu Na’in-tolu

todayMay 27, 2026 110

Background
share close

Autoridade Timor-Leste halo apreensaun ba sasán kontra bandu no detein suspeitu na'in-tolu, Kuarta (27/05/2026).

Díli, 27 Maiu 2026 (RAFA.tl)- Ekipa konjunta FALINTIL-Forsa Defeza Timor-Leste (F-FDTL) ho Polísia Nasionál Timor-Leste (PNTL), Kuarta (27/05/2026), hale’u tuku 14:00 Otl, halo apreensaun ba sasán sira ne’ebé bandu (sasán kontra bandu) no detein mós suspeitu na’in-tolu ne’ebé envolve transporta sasan kontra bandu sira ne’e husi Palaka-Bobonaro atu mai Díli.

Sasán kontra bandu ne’ebé transporta ho karreta baskolante ne’e mak hanesan bebida Coca-Cola kaixa 110,  Sprite kaixa 13, Krating Daeng kaixa 13, Pocari kaixa  11, Cap Kaki Tiga  kaixa haat (4) ho Milko iha kaixa 120 ne’ebé konsidera fó prezuiju ba estadu.

Bainhira ekipa konjunta segura tiha sasan ilegal hirak ne’e transporta kedas ba iha Komandu Jerál PNTL iha Diresaun Servisu Investigasaun Kriminál (DSIK) hodi  submeter ba indentifikasaun  investigasaun.

Polísia Diresaun Servisu Investigasaun Kriminál foti ona prosesu ho krime kantra bandu ho Númeru Uniku Krime (NUC) 0199/26.PNSIC no halo detensaun  ba suspeitu na’in-tolu ho inisial DA, AA no RD  iha sela DNSIK molok entrega ba autpridade Polísia Bobonaro hodi kontinua aprezenta ba Tribunál Judisiál Primeira Instánsia  Covalima  (TJPIC).

Tuir informasaum husi fontes servisu sekreta sira katak  suspeitu na’in-tolu hatama sasán ilegal ne’e husi  Palaka, Munisípiu Bobonaro atu lori mai iha Díli.

Jornalista: Remigia Locatelli/ João Carlos

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!