Noticias

F-FDTL Hahú Halo Investigasaun Ba Membru Ne’ebé Komete Krime Durante Finadu

todayNovember 7, 2026 22

Background
share close

Díli, 07 Novembru 2026 (RAFA) -Xefe Estadu-Maiór Jenerál FALINTIL-Forsa Defeza Timor-Leste (F-FDTL), Tenente-Jenerál Domingos Raul “Falur Rate Laek”, konfirma Komandu  Jerál F-FDTL hahú halo investigasaun ba membru militár balun ne’ebé alegadu komete krime iha períodu finadu.

Tenente-Jenerál Domingos Raul “Falur Rate Laek” konfirma katak bainhira iha investigasaun mak komprova katak membru balun komete krime, maka Komandu Jerál F-FDTL foti medida ka aplika sansaun bazeia ba rezultadu investigasaun atu garante dezeñu no disiplina militár nian iha komunidade nia leet.

“Prosesu la’o hotu ona, iha tan horseik Vise-Ministra Sosiál mós mai informa bá há’u, iha forsa balun ezersisiu iha ne’ebá la fó koñesimentu previu ba komunidade sira ne’ebé ohin há’u investiga, halo relatoriu mai atu ha’u haree medida saida mak atu halo,” hatete Tenente-Jenerál Domingos Raul “Falur Rate Laek”  ba jornalista sira iha Kuartél Jenerál F-FDTL, Sesta-ne’e.

Tenente-Jenerál ne’e afirma aktu ne’ebé membru komete kuandu envolve direta ba kazu tenke iha responsabilidade no prosesu tuir Lei ne’ebé vigór.

“Prosesu tuir Lei ne’ebé iha ne’e. Administrativamente ami tenke foti medida administrativu, mais krime sira haruka ba iha Tribunál ne’e para ba hatan, ita hotu-hotu iha Leí nia okos”,  Tenente-Jenerál Falur Rate Laek afirma.

Nia hato’o mensajen ba membru F-FDTL hotu kuandu iha problema ruma no iha vítima buka atu rezolve tuir prosedimentu no legalidade ne’ebé iha hodi kontribui ba solusaun ba problema.

Jornalista: Juvinal Cabral dos Santos

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!