Noticias

F-FDTL Apoiu PNTL Garante Seguransa iha Loron Finadu

todayOctober 26, 2026 29

Background
share close

Díli, 26 Outubru 2026 (RAFA)-Vise-Xefe Estadu-Maiór Jenerál FALINTIL-Forsa Defeza Timor-Leste (F-FDTL), Major-Jenerál Calisto Santos “Coliati”, konfirma katak F-FDTL sei fó apoiu ba Polísia Nasionál Timor-Leste (PNTL) atu garante seguransa no mantein orden públika durante komemorasaun Loron Finadu iha territóriu nasionál.

“Aktividade loron Finadu nian, kada Forsa Defeza hamutuk ho Polísia Nasionál garante seguransa, liu-liu iha sidade Díli no mós iha munisípiu sira. Iha munisípiu sira, forsa husi Komponente Terrestre, liu husi batallaun sira, sei mobiliza to’o kompañia no pelotaun sira ne’ebé destaka ba territóriu sira, atu korodena ho Polísia Nasionál hodi garante seguransa durante Loron Finadu,” hatete Vise-Xefe Estadu-Maior Jenerál Major-Jenerál Calisto Santos “Coliati” ba jornalista sira iha Motael, Segunda-ne’e.

Vise-Xefe Estadu-Maior Jenerál F-FDTL ne’e mós hatutan, ho kolokasaun membru militár no polísia iha fatin sira ne’ebé presiza, espera katak situasaun seguransa bele mantein ho di’ak no prevene asaun sira ne’ebé bele hamosu instabilidade.

Nia subliña katak, se iha grupu ka individuál sira ne’ebé tenta kria konflitu ka estraga orden públika, PNTL no F-FDTL sei atua tuir lei no prosedimentu ne’ebé vigora.

Jornalista: João Carlos/Juvinal Cabral

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!