Ezonera Alexandre Corte-Real Husi Vogál KSMJ Atu Evita Konflitu Interse

Ministru Justisa Sérgio de Jesus Fernandes da Costa Hornai.

Díli, 16  Setembru 2026 (RAFA)- Ministru Justisa, Sérgio de Jesus Fernandes da Costa Hornai, konfirma katak razaun ezonera Alexandre Corte-Real husi vogál Konsellu Superiór Majislatura Judisiál (KSMJ) nu’udar kordenasaun institusionál no nesesidade atu evita konflitu interese.

Ministru Justisa argumenta bainhira ema ida hetan nomeasaun no konfiansa atu reprezenta Governu ka instituisaun, nia tenke reprezenta interese lejítimu instituisaun ne’ebé nia reprezenta, la’ós nia interese pesoál.

“Iha razaun propriu atu halo ezonerasaun tanba hetan nomeasaun ne’e konfiansa, maibé kuandu iha balu ka saída, ita tenke halo  avoka fali konfiansa  ne’ebé maka ita atribui,” Ministru Justiisa Sérgio de Jesus Fernandes da Costa Hornai hateten ba jornalista sira iha Palásiu Governu, Kuarta-ne’e.

,Nia fundamenta tan, ezonerasaun ba vogál Alexandre Corte-Real iha motivasaun própriu, inklui kona-bá forma reprezentasaun Governu iha órgaun sira hanesan Konsellu Ministru, Konsellu Superior  Majistratura Judisiál ka fatin seluk ne’ebé nia tenke reprezenta instituisaun.

Nia  dehan kandidatura Alexandre Corte-Real ba Tribunál Supremu  Justisa, hetan eskluzaun iha prosesu aprezentasaun kandidatura, maibé ikus mai Konsellu Superiór Majistratura halo desizaun atu readmite ninia kandidatura.

“Kosellu Superiór ne’e órden ida ne’ebé halo validasaun bá iha desizaun sira ne’ebé  aban bairua, komisaun juri selesaun rekrumentu bá iha konselleiru juíz bá  iha  Tribunál Supremu,  sira maka sei halo validasaun. Entaun ita tenke livre husi ne’ebá, atu evita komfilitu interese,”  tenik nia.

Ministru Justisa afirma, tuir loloos Alexandre Corte-Real sumplete mak tenke substitui, maibé iha ne’ebá hala’o nafatin inkompatibilidade, katak ezerse ona funsaun ida, la bele komparese iha funsaun seluk hodi bele  hola dezisaun ruma tanba vinkula hela iha institusaun.

 Jornalista: Marcelino Tomae