Ouvir RAFA Ritmo, Voz e Coração de Timor
Díli, 18 Novembru 2026 (RAFA) — Estudante hamutuk 142 ne’ebé la konsege tuir ezame nasionál iha primeira chamada tanba razaun oioin, Kinta, 19 Novembru-ne’e, tuir ezame nasionál segundu chamada, ne’ebé hala’o durante loron rua iha Eskola 30 de Agostu, Díli.
Ezame segunda chamada maka oportunidade ida ne’ebé eskola ka universidade fó ba estudante sira ne’ebé labele partisipa iha ezame dahuluk (primeira chamada) tanba razaun ruma ne’ebé justifikadu.
Koordenadór Gabinete Kurríkulu Unidade Nasionál, João Maupelu informa katak ezame segundu chamada ne’e tuir loloos hala’o Kuarta-ne’e, maibé, prosesu imprimi matéria ezame nian atrazu tanba ekipamentu imprensaun iha Ministériu Edukasaun ne’e ki’ik liu.
Alende ne’e Sentru Inprensaun iha Comoro dadaun ne’e Universidade Nasionál Timor Lorosae (UNTL) mak utiliza hela hodi imprime matéria ezame ba estudante finalista sira ne’ebé hakarak asesu ba universidade.
Nia esplika katak estudante sira ne’ebé tuir segundu chamada ne’e, balun tanba moras, balun tanba partisipa iha kompetisaun desportiva iha Azerbaijaun, no balun hetan asidente, ne’ebé halo sira la konsege tuir ezame iha primeira chamada.
“Estudante 142 hirak-ne’e sei tuir fali ezame iha ida-idak nia Munisípiu”, dehan João Maupelu ba Jornalista sira, iha knaar fatin, Kuarta ne’e.
Nia hatutan husi numeru ne’ebé tuir ezame segundu chamada kompostu husi estudante ensinu báziku 51, ensinu sekundáriu 89 no ensinu sekundaria tékniku vokasionál 2.
Estudante hamutuk 142 husi Munisípiu Aileu nain ida, Baucau walu, Bobonaru lima, DILI hamutuk 100, Lautém 10, Likisá rua ,Manufahi neen, Oe-cusse ida no Vikeke nain haat.
Koordenadór Kurríkulu ne’e mós relata durante loron rua ne’e sufisiente atu estudante sira hotu realiza ezame, ne’ebé hala’o iha Munisípiu ida-idak, no ba estudante iha Dili, ezame realiza iha Eskola 30 de Agostu.
Jornalista: Cesarina de Carvalho
Written by: RafaFM
Estudante 142 Partisipa Ezame Nasionál Segundu Chamada
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt