Noticias

Estadu Membru CPLP Tenke Ratifika Konvensaun Apostila Fasilita Movimentu Dokumentu Notariadu

todayOctober 26, 2026 56

Background
share close

Díli, 26 Outubru 2026 (RAFA)-Estadu Membru Komunidade Paíz sira Ko’alia Lian Portugés (CPLP) tenke  ratifika konvensaun apostila, atu nune’e, bele hafasil movimentu dokumentu sira notariadu nian.

Prezidente Komisaun Organizadór, Nelinho Vital, informa bá  Jornlista sira iha Otél Palm Spring Segunda-ne’e katak, sistema notariadu  iha  Estadu membru CPLP inklui Portugál, iha karakterístika ne’ebé hanesan, nune’e fasilita Timor-Leste atu adopta sistema ne’e. Tanba sistema notariadu ne’ebé hanesan entre nasaun CPLP sai baze ida bá Timor-Leste atu implementa sistema ne’e ho lalais, hodi hametin kooperasaun no fasilita prosedimentu kona-bá dokumentu notariál.

“Timor-Leste seidauk ratifika ida-ne’e, kuandu bainhira ita ratifika ona, ita nia dokumentu notariadu  sira iha ne’e,  bá iha membru sira ne’ebé ratifika mós konvensaun apostil  la presiza bá tan iha Embaixada ka konsular atu karimba,” hatete  Prezidente Komisaun Organizadór, Nelinho Vital.

Nia hatutan, Timor-Leste propoin atu ratifika Konvensaun Apostila, ne’ebé iha objetivu atu fasilita movimentu no autentikasaun dokumentu públiku atu bele uza iha país seluk, tuir regra konvensaun nian.

Nia esplika ida-ne’e benfisiu di’ak bá Timor-Leste, tanba iha ona rekonesimenntu husi ratfikasaun apostil ne’e, tanba ne’e paize Estadu membru CPLP sira presiza atu ratfika komvensaun apostil ne’e.

Iha fatin hanesan Sekretáriu-Jerál Prezidensiál São Tomé e Prínsipe, Erdman Capela hatete, progresu ne’e hetan apoiu hosi Prezidente Orden Notáriu Portugál nian, liuhosi kolaborasaun no fornese software atu ajuda estandariza dokumentu notariadu sira.

Nia esplika,  agora   São  Tome kria ona repozitóriu ida no estandariza dokumentu notariadu, rejistu kriminál no sertifikadu sira, bazeia ba modelu dokumentu holusi Repúblika Portugál.

“Transformasaun dijitál  importante ba nasaun sira, tanba mundu kontinua muda bá sistema dijitál, ne’ebé mós lori risku krime siber no atividade hacker sira,” hatete Sekretáriu-Jerál Prezidensiál São Tomé e Prínsipe, Erdman Capela.

Nia  subliña, nasaun sira presiza iha baze-dadus no sistema dijitál ne’ebé metin, seguru no fiável, atu responde ba nesesidade populasaun nian no kombate fraude online.

Nia  dehan, sistema ne’e bele ajuda hamenus burokrásia ba sidadaun sira, liu-liu ba ema ne’ebé hela ka buka dokumentu iha nasaun seluk, tanba prosesu atu hetan sertifikadu no dokumentu ofisiál sira dala barak kompleksu.

Ho sistema ne’e, Timor-Leste, Moçambique, Angola, São Tomé e Príncipe no nasaun CPLP seluk bele servisu hamutuk atu fasilita sirkulasaun dokumentu entre nasaun membru sira, ho konfiabilidade no seguransa.

Jornalista: Marcelino Tomae

 

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!