Noticias

Embaixadora Caitlin Wilson Despede PM Xanana no Kompromete Kontinua Apoiu Relasaun Bilaterál TL-Austrália

todayNovember 6, 2026 19

Background
share close

Díli, 06 Novembru 2026 (RAFA)-Embaixadora Austrália Caitlin Wilson, Sesta-ne’e, halo enkontru despedida ho Primeiru-Ministru Kay Rala Xanana Gusmão iha Palasiu Governu  molok termina nia misaun diplomátika iha Timor-Leste durante tinan tolu nia laran.

“Ohin, ha’u iha ne’e ba ha’u-nia enkontru despedida ikus ho Primeiru-Ministru, Kay Rala Xanana Gusmão  iha konkluzaun ha’u-nia tinan tolu ho balun iha Timor-Leste. Nune’e, sai hanesan momentu ida ne’ebé importante no signifikativu tebes iha relasaun entre Austrália ho Timor-Leste,” hatete Embaixadora Austrália Caitlin Wilson ba jornalista sira.

Diplomata Australiana ne´e afirma, durante  hala’o knaar diplomásia tinan tolu iha Timor-Leste nu’udár onra no priviléjiu ida  serbisu hamutuk iha kooperasaun oin-oin ho  Governu Timor-Leste. Nune’e amizade no parseria entre Timor-Leste no Austrália sei buras nafatin ba oin.

Caitlin Wilson mós destaka katak relasaun amizade entre nasaun rua kontinua di’ak no metin, liuliu liuhosi progresu iha dezenvolvimentu projetu importante sira, inklui Greater Sunrise, no área kooperasaun seluk ne’ebé Austrália ho Timor-Leste promove hamutuk.

Embaixadora Caitlin Wilson sei remata ofisialmente nia misaun diplomátika iha Timor-Leste iha loron 13 fulan-Novembru ne´e no  fila ba nia país orijen hodi kontinua nia kareira tuir mandatu ne´e Governu Austrália sei atribui ba nia.

 Jornalista: Zita Menezes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!