Durante Fulan-Neen, TJPID Kontribui 53,693,17 USD Bá Kofre Estadu

Juíz Administradór Tribunál Judisiál Primeira Instánsia Díli Yudi Pramukas.

Díli, 08 Setembru 2026 (RAFA)- Durante fulan-neen (Janeiru-Juñu), Tribunál Judisiál Primeira Instánsia Díli (TJPID) kontribui osan ho totál 53,693,17 USD bá Kofre Estadu.

Tuir dadus ne’ebé RAFA asesa husi Gabinete TJPID,  Tersa-ne’e, hatudu katak hahú husi fulan-Janeiru, TJPID  halo transferénsia bá kofre estadu ho valór orsamentu 7,624,70 USD,  Fevereiru (1,658,00 USD), Marsu (16,945,98 USD), Abríl (10,901,24 USD) Maiu (8,422,50 USD), no fulan- Juñu  8,140,75  USD.

Juíz Administradór Tribunál Judisiál Primeira Instánsia Díli (TJPID), Yudi Pramukas, bá  Jornalista sira  imforma, transferénsia ba Kofre Estadu ne’e inklui multa sira ne’ebé juíz ida ka  juíz  koletivu sira kondena, indemnizasaun ne’ebé deside iha prosesu nia laran, no medida sira seluk ne’ebé aplika husi tribunál.

“Indemnizasaun sira ne’ebé maka  selu bá Estudu la’ós indemnizasaun bá ema individu  sira maibé  liga liu bá indemnizasaun bá estudu, no mós médida kausaun sira ne’ebé maka  Juis sira aplika liuliu bá  prosesu Julgamentu Prirmeiru Interogátoriu,” Juíza Administradór Yudi Pramukas informa.

nia, transferénsia sira ne’e mós inklui kustu ne’ebé tribunál aplika, no dala ruma osan husi venda sasán sira ne’ebé autoridade judisiária apreende ne’ebé tenke depozita bá Kofre Estadu. Maibé, Juíz Administradór TJPID  ne’e esplika fali katak, osan sira ne’ebé depozita ne’e la’ós hotu-hotu diretamente sai reseita Estadu nian, tanba balun depende ba rezultadu finál husi prosesu judisiál.

“Osan sira ne’e, ita depizita bá konta Provizoríu Estadu nian, tanba ita la hatene prosesu nia rezultadu oinsá, bele bá  estadu no mós bele mós fó fila fali bá nia na’in,”  nia tenik.

Husi totál osan ne’ebé depozita durante períodu ne’e, TJPID mós halo transferénsia ba konta reseita Estadu nian bá prosesu sira ne’ebé to’o ona bá desizaun finál.

Transferénsia ne’e halo depois  prosesu sira hetan desizaun finál, hodi asegura katak osan ne’ebé determina atu sai reseita Estadu nian bele tama bá Kofre Estadu.

Jornalista: Marcelino Tomae