Ouvir RAFA Ritmo, Voz e Coração de Timor
Díli, 04 Novembru 2026 (RAFA)- Komandante Polísia Nasionál Timor-Leste (PNTL) Munisípiu Díli, Komisariu Asistente Polísia Orlando Gomes, Kuarta-ne’e, atualiza situasaun seguransa durante loron finadu katak PNTL Díli rejista kazu 10-resin no detein suspeitu na’in-haat relasiona ho kazu violénsia domestika na’in-tolu, no ida mak furtu agravadu.
“Durante loron rua família sira vizita semiteriu sunu-lilin ne’ebé mak ho situasaun di’ak tanba preparative sira husi Komandu Munisípiu Díli ho ninia planu rasik koloka iha semiteriu sira hotu, ita mós iha Komandu Munisípiu Díli monta mós postu iha fatin risku sira. Ita mós hasa’e patrollamentu maka’ás iha tempu kalan iha loron wainhira ita nia komunidade sira ba vizita ka hamoos rate ita tau kedas seguransa kuaze kapitál Díli ita koloka hotu, membru sira iha semiteriu sira hotu ita hetan efetivu husi Komandu jerál Polísia Nasionál Timor-Leste,” hatete Komisariu Asistente Polísia Orlando Gomes ba jornalista sira.
Komisáriu Asistente Polísia ne´e informa Durante loron finadu mosu mos kazu violénsia domestika, arma branka, violasaun seksuál, ofensa simples, koasaun seksuál ho totál kazu hamutuk 10-resin no detein suspeitu na’in-haat ne’e relasaun ho kazu violénsia domestika na’in-tolu, ida mak furtu agravadu.
“Kazu ofensa simples koasaun seksuál iha Dom Aleixo, kazu ameasa iha kulau Becora, iha loron 02 fulan-Novembru ne’e iha mós kazu simples no suisidiu tara an ne’e akontese iha Bekussi, iha mós kazu violénsia domestika iha Santa Cruz no kazu tentativa violasaun seksuál iha Bedois-Becora, iha mós kazu violénsia domestika iha Cristo-Rei Becora, kazu furtu agravadu iha Ailook-Laran, kazu ofensa simples iha Raikotu ho Metinaro. Durante finadu ita detein suspeitu na’in-haat ba kazu hirak ne’ebé mak ha’u temi ne’e, ita detein suspeitu na’in-haat ba 72 oras ita prosesu iha ita prepara ona auto notísia ita prepara aprezenta ba Ministériu Públiku,” nia esplika.
Iha kazu ida mak halo de’it identifikasaun hotu liberta fila-fali, nune’e kompara ho tinan hirak liubá dalaruma detein to’o na’in-10 resin, maibé tinan ida-ne’e autoridade servisu maka’ás seguransa la’o di’ak no susesu.
Komisáriu Asistente Polísia ne´e esplika, operasaun konjunta iha loron Finadu ne´e hetan apoiu mós husi Sentru Formasaun Polísia (CFP), Unidade Espesiál Polísia (UEP), Unidade Polísia Maritima (UPM), Unidade Patrollamentu Fronteira (UPF) ne’ebé destaka iha portu no mós FALINTIL-Forsa Defeza Timor-Leste (F-FDTL).
Ofisiál Polísia Suku (OPS) hetan apoiu patrollamentu mós husi Konsellu Polisiamentu Komunitaria (KPK), apoiu informasaun mós husi komunidade no joven sira iha tempu kalan durante loron relijiouzu ne’e.
PNTL munisípiu Díli mós hato’o agradese ba joven no komunidade sira hotu-hotu nia kontribuisaun hodi servisu hamutuk autoridade seguransa kontrola kapitál Díli buat hotu susesu.
Jornalista: Juvinal Cabral dos Santos
Written by: RafaFM
Durante Finadu PNTL Rejista Kazu 10-resin no Detein Suspeitu Na’in-haat
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt