Ouvir RAFA Ritmo, Voz e Coração de Timor
Díli, 05 Novembru 2026 (RAFA)- Polísia Nasionál Timor-Leste (PNTL), Diresaun Nasionál Tránzitu Seguransa Rodoviária (DTSR), rejista asidente hamutuk 23 iha teritoriu nasionál no na´in-ida lakon vida durante ámbitu selebrasaun finadu.
Diretór Diresaun Tránzitu Seguransa Rodoviária, Superintendente Xefe Polísia João da Costa, ba Jornalista sira iha Dili, Kinta-ne´e, hatete durante selebrasaun finadu, ema hotu husi kapitál Díli desloka ba munisípiu 13 no husi deslokasaun sira ne´e, PNTL rejista asidente 23 no na’in-ida mak lakon vida tanba sofre asidente grave.
“Asidente ne’ebé rekolla husi munisípiu 12 ho mós iha Díli ne’ebé akontese kazu asidente hamutuk 23, husi númeru ne’e ema kanek kaman na’in-20, kanek todan na’in-haat, mate na’in-ida,” Superintendente Xefe Polísia João da Costa relata.
Nia hateten, Munisípiu Díli mak rejista asidente aas liu ho total kazu asidente 10, munisípiu Aileu tolu, Baucau (tolu), Liquiça (tolu) no iha munisípiu sira seluk ne’e kauze kazu asidente ho numériu maioria ida. Munisípiu Bobonaro, kazu asidente ida fatal no rezulta vitímal lakon vida.
Diretór Diresaun Nasionál Tránzitu ne´e haktuir, husi asidente 23 ne’e, kazu ida mate ne’e ba tribunál, kazu hitu seluk iha prosesu nia laran no kazu 15 rezolve tuir família.
Superintendente Xefe Polísia João da Costa konfirma katak fatór hamosu asidente ne’e 95% ema no 5% husi transporte ne’ebé sira utiliza.
Antes ne’e Diresaun Tránzitu Seguransa Rodoviária rejista asidente iha territóriu nasionál husi fulan-janeiru too fulan-Outubru, tinan ne’e, hamutuk 152, no na’in-neen lakon vida.
Husi asidente 152 ne’e, kazu neen ba enkamiña ona Ministériu Públiku, 68 sei iha prosesu no 78 rezolve tuir família.
Jornalista: Juvinal Cabral dos Santos
Written by: RafaFM
Diresaun Nasionál Tránzitu Seguransa Rodoviária (DTSR) Polísia Nasionál Timor-Leste (PNTL)
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt