Doulos Hope Fó Ona Oportunidade Ba Timoroan Asesu Livru ho Folin Baratu

PR José Ramos-Horta ba despede ekipa Ró Doulos Hope ne'ebé faislita ona Timoroan asesu livru ho folin Baratu iha Portu Díli, Segunda 07 Setembru 2026.

Díli, 07 Setembru 2026 (RAFA)-Prezidente Repúblika, José Ramos Horta, halo despedida crew Ró bibiloteka flutuante internasionál Doulos Hope fó ona oportunidade ba Timoroan sira asesu ba livru oioin ho folin baratu.

Ró  Doulos Hope ne’e to’o iha Portu Díli iha loron 17 fulan-Agostu  to’o fali loron 07 fulan-Setembru 2026 hodi  loke feira livru ba públiku  atu fasilita Timoroan sira asesu ba livru ho folin baratu.

Prezidente Repúblika, José Ramos-Horta iha despedida ho crew hotu iha ró Doulos Hope hatetne iha tinan kotuk nia konvida ró ne’e mak no depis ma iba ida-ne’e dala-rua ona atu fó oportunidade ba Timoroan sira asesu ba lee lviru gratuita no bele sosa ho folin baratu.

“Foin daudaun Diretora ro ahi ne’e husu ba ha’u saida mak impaktu ro ne’e iha Timor. Ha’u hatete ha’u kontente tebe-tebes, tanba imi fó oportunidade ida ba labarik sira hetan livru. Labarik oan sira nunka tama ro ida, ida-ne’e konseitu ida hanesan úniku iha mundu, ró ida luxu maibé biblioteka ida, sira faan livru maibé ho diskontu boot,” Prezidente Repúblika, José Ramos Horta hateten bainhira  halo despedida ba ró Doulos Hope iha Portu Díli, Segunda-ne’e.

Xefe Estadu esplika, ró ne’e nia na’in boot mak iha Alemaña, ró ida iha Alemaña boot liu ida ne’e dala rua, dala tolu boot mós hanesan biblioteka de’it, la’ós turista pasiar ba mai.

Nune’e, sira servisu iha ne’e hotu-hotu voluntáriu, joven sira ne’e voluntáriu.

“Esperiensia di’ak ida ba labarik sira, sira mai iha ne’e kontente, hetan livru. Ha’u rasik, Prezidensia oferese livru lubuk ida ba sira atus ba atus labarik sira lori ba uma. Depois ohin ha’u mai despede ho sira,”  Ramos-Horta hateten.

Tuir Xefe Estadu nia hanoin, livru ne’e barak liu Inglés, istória baibain, animál, natureza, adultu mak livru kompletu. Livru kona-ba siénsia, literatura, língua, istória buat sira ne’e, maibé livru lubuk ida mak ba labarik sira ho dezeñu oi-oin, lapis kór, mapa buat sira ne’e.

“Ba sira, ha’u agradese tebe-tebes, ha’u hatete ona kapitaun ema Filipinu, ba  nia señora , nia mak Direitora ró ahi nian. Sira nasionalidade oi-oin iha ró ahi laran, sira hotu-hotu voluntáriu, ha’u agradese boot ba sira. Tanba ha’u mak husu ba sira mai fulan-Agostu, ha’u simu iha ne’e Prémiu Nobel Siénsia, entaun sira mai aproveita, sira mós hasoru Prémiu Nobel, sira” Prezidente Repúblika konklui.

Koordenadora Projetu, Felicia Coulter husi British Brazilian hatete, nia sente emosionál tebes bainhira atu husik Timor-Leste hafoin servisu durante semana neen ho ekipa hodi promove literatura ba joven sira.

Felicia dehan, objetivu prinsipál husi projetu ne’e mak atu troka kultura no fó asesu ba literatura ba joven, labarik no mós família sira.

“Ami grasa tebes ba apoiu ne’ebé ami simu. Ami fahe vizaun hanesan, ekipa ida de’it. Ami hakarak enkoraja joven sira atu involve-an liu tan iha literatura,” nia dehan.

Ho emosionál tebes Felicia atu dehan adeus. Tanba Tersa-aban, 08 fulan-Setembru,  sira fila ona. Maibé Felicia sinseramente hein no harohan katak ne’e la’os adeus ikus.

Felicia agradese ba ospitalidade povu Timor nian. Rai ida ne’e fó impaktu boot ba nia. Husi simu ne’ebé di’ak, relasaun ne’ebé sira hari’i. Sira mai hodi fó, maibé sira mós simu barak.

Maibé, projetu ne’e hala’o ho apoiu husi ekipa boot ida, no iha planu atu kontinua iha futuru hodi hametin liután ligasaun kultural entre Timor-Leste no rai seluk.

 Jornalista: Cristina Ximenes/Helio dos Santos.