Noticias

DNSR ho PNTL Kontinua Sensibiliza Kódigu Estrada

todayOctober 30, 2026 54

Background
share close

Díli, 30 Outubru 2026 (RAFA)- Diresaun Nasionál Seguransa Rodoviária  (DNSR) hamutuk ho Polísia Nasionál Timor-Leste (PNTL) liuhusi Seksaun Tránzitu Munisípiu Díli kontinua halo sensibilizasaun ba motorista sira inklui sidadaun hotu kona-bá kódigu estrada  atu hotu-hotu iha konsiensia hodi utiliza estrada ho regra hodi minimiza asidente no insidente sira ne´ebé bele afeita ba vida umana.

“Ami husi Diresaun Nasionál Seguransa Rodoviariu, Ministériu Interiór hahú atividade ida ne’e kuaze fulan-ida resin ona, ami nia objetivu ida ami hala’o ne’e ami nafatin fó hanoin ba komunidade iha teritóriu Timor laran tomak, liuliu tanba loron boot ne’e movimentu bá munisípiu barak entaun ami iha dever ida fó hanoin ba sira bele utiliza estrada públiku tuir nia regra nune’e evita asidente ba sira-nia viajen ba iha foho,” Diretór Nasionál Seguransa Rodoviariu Ministériu Interiór Elder Soares ba jornalista sira iha Estasionamentu  Transporte entre Munisípiu iha  Becora, Díli, Kinta-ne’e.

Diretór Nasionál ne´e husu, nafatin ba motorista bus sira, kuandu pasajeiru sira  barak liu labele hamriik iha odamatan no  labele tuur iha bus leten.

“Ami nafatin refere ba bus sira tanba dala barak, bus sira tula pasajeiru barak liu, balun hamriik iha odamatan, entaun ami iha dever ida fó hatene ba ita nia komunidade liu-liu ba motorista sira, atu pasajeiru sira tuur iha kadeira leten, labele tabele iha nia odamatan tanba bele hamosu asidente nune’e mós ba la bele tuir iha kampaun leten,”  nia hateten.

Diretór Nasionál Seguransa Rodoviariu Ministériu Interiór Elder Soares informa, bainhira motorista  sira la kumpri ne’e diresaun tránzitu rodoviariu mak sei aplika sansaun tuir Leí vigór. Nune’e husu nafatin ba sidadaun hotu-hotu nafatin respeita kodigu estrada sira atu nune’e evita asidente.

Ekipa konjunta husi Diresaun Nasionál Seguransa Rodoviariu Ministériu Interiór hamutuk ho Seksaun Tránzitu Seguransa Rodoviariu Munisípiu Dili, hahú avizu husi Elemloi ba Tasi-Tolu to’o Becora, no halo  apreensaun mós motór tolu ne’ebé viola sinais nune’e  lori ba asegura iha Komandu Polísia Munisípiu Díli hodi prosesa tuir lei mak vigora.

Jornalista: Juvinal Cabral dos Santos

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!