Noticias

Difisíl Halo Reforma Ba Setór Justisa Iha Tinan Ida Nia Laran

todayOctober 19, 2026 74

Background
share close

Díli, 19 Outubru 2026 (RAFA)- Ministru Justisa Sérgio de Jesus Fernandes da Costa Hornai rekoñese katak defisil atu halo reforma ba setór justisa iha tinan ida nia  laran, maibé  tenke iha kontinuidade husi Governasaun ida bá Governasaun seluk.

Ministru Sérgio de Jesus Fernandes da Costa Hornai hato´o kestaun ne´e ba jornalista sira iha Palasiu Governu, hodi esplika katak,  reforma ne’e  dadauk ona,   reforma boot ida maka estabelese Tribunál Supremu Justisa (STJ), kuaze dekade rua, bainhira Timor-Leste restaura independensia ho mehi boot ida atu konsolida no harii estrutura bá tribunál sira iha nivel primeru Iinstánsia segundu instánsia to’o iha ultima instánsia Ninian.

“Prontu ita labele halo iha tinan-ida, iha Governasaun ida nian de’it, mais ne’e programa ida-ne’ebé kontinua  husi Governu  ida bá Governu ida atu konsulida institusaun ne’e la’o bá oin,” hatete Ministru Justisa Sérgio de Jesus Fernandes da Costa Hornai.

Nia hatutan, konserteza iha dezentendimentu sira ne’e mosu iha tribunál, ida-ne’e la infrakese servisu sira ne’ebé institusaun Estadu hakarak atu la’o bá oin, tanba ema  ida ka rua la bele impoin  ninia autoridade bá iha estadu.

Governante ne´e hatutan, ida-ne’e mensajen ida, hanesan Ministériu Justisa, nafatin orienta atu halo servisu ho objetividade, imparsialidade Independente bá de’it intesese lejítimu  bá rai ida-ne’e no povu toma nia interese.

“Reforma setór Justisa, Governu  halo dadauk, reforma hahú iha setór tribunál sira, hasai kualidade bá majistradu juíz sira, prokuradór, Defensór Públiku sira, advogadu no mós ofisiál justisa no mós bá iha orgaun polísia kriminál sira atu  konsulida.” Tenik nia.

Nia fundamenta, esénsia  loloos maka  prsizja rekursu ida-ne’ebé adekuadu para atu  hatán bá iha dezafiu boot sira-ne’ebé  mak loron bá loron  iha, halo melloramentu  hasae kualidade no mós kuantidade  atu halo prestasaun servisu iha komunidade nia leet.

Jornalista: Marcelino Tomae

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!