Noticias

Delegasaun Ministériu Justisa CPLP Hasoru PPN Deskute Kona-bá Politika Lejislasaun sira

todayOctober 26, 2026 30

Background
share close

Díli, 26 Outubru 2026 (RAFA)- Delegasaun Ministériu Justisa husi  Estadu Nasaun sira Ko’alia Lian Portugés (CPLP) ne´ebé lidera husi Ministru Justisa Timor-Leste, Sergio de Jesu da  Costa  Hornai, Segunda-ne’e, hasoru malu ho Prezidente Parlamentu Nasionál (PPN) Maria Fernada Lay, hodi konsilida Estadu membru sira kona-ba “Kombate Fraude Online” ne’ebé  sai preokupasaun boot nasaun hotu inklui Timor-Leste.

Ministru Justisa afirma, iha reuniaun ne’e ko’alia mós kona-bá politika lejislasaun, lei seguransa sibernétika,  lei protesaun dadus, ko’alia mós kona-bá  iha kooperasaun materia penál Internasionál ne’ebé Timor-Leste hanesan, parte estadu iha paizes CPLP ninian ne’ebé agora hasoru situasaun  krimé nian iha krime organizadu sira, nune’e oinsá mak membru CPLP sira bele servisu hamutuk iha medida sira prevensaun no medida sira investigasaun nian.

“Perante ida-ne’e mak ohin mai kumprimenta Prezidente Parlamentu Nasionál PPN, reprezenta segundu orgaun soberanu estadu ninian, simu mós mensajen husi Prezidente Parlamentu, ba iha delegasaun atu bele iha kbiit atu bele servisu iha setór justisa, ba iha kestaun komún ba iha eradikasaun ka halo kombate ba iha kriminilidade organizadu sira ne’ebé mai sistematikú,” hatete Ministru Justisa Sergio de Jesu da  Costa  Hornai.

Governante ne´e afirma, Timor-Leste hanesan, parte estadu iha país CPLP ninian ne’ebé agora hasoru situasaun krimé nian iha krime organizadu sira, nune’e oinsá mak membru CPLP sira bele servisu hamutuk iha medida sira prevensaun no medida sira investigasaun nian.

Jornalista: Zita Menezes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!