Ouvir RAFA Ritmo, Voz e Coração de Timor
Díli 29 Outubru 2026 (RAFA)— Konsellu Superiór Majistratura Judisiál (CSMJ, sigla portugés), Kinta-ne’e, hala’o hikas reuniaun, maibé la diskuti no la halo analizé rekursu kontensiozu kona-bá deliberasaun transferensia Majistradu Juíz na’in-haat, husi Tribunál Díli bá Tribunál seluk.
Majistradu Juíz na’in-haat ne’ebé sofre bá transférensia husi Tribunál Díli bá tribunál seluk, mak hanesan Juíz António José Fonseca Monteiro de Jesus, Ana Paula Fonseca Monteiro de Jesus, José Gonçalves ho Francisca Marques Cabral.
Sira halo ona rekursu kontesiozu bá Tribunál Rekursu kontra deliberasaun Konsellu Superiór nian, maibé kuaze fulan ida CSMJ la funsiona.
Prezidente Tribunál Rekursu (PTR) nu’udar mós Prezidente CSMJ, Afonso Carmona hatete, jornalista sira iha Tribunál Rekursu, informa Konsellu Superiór sira tuur hamutuk atu ko’alia, maibé konteudu sira ne’ebé konsellu sira diskute iha reuniaun, ne’e segredu justisa.
Nia afirma tan katak, Konsellu Superiór Majistratura komesa book aan ona, signifika atu hatuur atividade setór justisa ne’e la’o ho di’ak, atu nune’e, garantia justisa bá ema hotu.
“Ami foin hasoru malu ohin, ami fó briefing bá malu oinsá servisu bá oin, karik iha deliberasaun ha’u seidauk komenta, tanba ha’u dehan ne’e segredu justisa, imi (jornalista-red) kalma uitoan importante imi rona de’it, ha’u lidera fali konsellu la’o ona, atu nune’e populasaun la bele dúvida ho setór justisariu,” PTR Afonso Carmona informa.
Kona-bá deliberasaun bá rekursu juíz na’in-haat ne’e, PTR Afonso Carmona afirma katak, kestaun administrativa ne’e la’o tuir ninia dalan .
PTR subliña katak, Konsellu Superiór sira tuur hamuk ona hodi haree prosesu sira ne’e la’o tuir regra, atu nune’e, nomea ema bá juíz tenke haree bá regra ne’e.
Jornalista: Marcelino Tomae
Written by: RafaFM
CSMJ Hala’o Hikas Reuniaun Maibé La Diskuti Rekursu Transferénsia Majistradu Juís Na’in-Haat
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt