Ouvir RAFA Ritmo, Voz e Coração de Timor
Díli, 13 Outubru 2026 (RAFA)- Klubu Primeira Divizaun, Coração F.C mantein iha époka 2026-2027 treinadór nasionál Miro Baldo Bento, tanba konsidera treinadór ne’e konsege atinze talvu ne’ebé klubu fó ba nia iha époka kotuk.
“Treinadór se’i parte klubu seidauk iha hanoin atu bolu treinadór se’i nafatin tanba treinadór Coração F.C pelumenus époka liu ba tuir duni tarjetu ne’ebé mak iha klubu termina no treinadór to’o duni tarjetu ne’ebé mak iha nune’e se’i mantein ho treinadór ne’ebé mak iha” hatete Prezidente Klubu Coração F.C Abrão Nokosiku Saldanha ba jornalista sira iha Estádiu Munisipál Díli, Segunda-ne’e.
Iha kompetisaun Liga Timorense époka kotuk, Coração F.C ne’ebé lidera husi treinadór Miro Baldo Bento, termina kompetisaun iha pozisaun da-hitu ho koleksaun pontu 10 husi sia. Durante kompetisaun, ekipa ne’e rekolla vitória tolu, empate ida no derrota lima, rezultadu ne’ebé hatudu katak Coração F.C konsege atinji alvu ne’ebé klubu fó ba treinadór iha époka liubá.
Liga Timorense époka ne´e, sei hahú iha fulan-Novembru tinan ne’e. Ho preparasaun ba kompetisaun foun ne’e, Coração F.C sei kontinua ho Miro Baldo Bento iha kargu treinadór, ho esperansa atu kontinua hadi’a dezempeñu ekipa no alkansa rezultadu ne’ebé di’ak liu iha époka tuirmai.
Jornalista: Davilio Valdamir
Written by: RafaFM
Coração F.C Mantein Treinadór Miro Baldo Bento Ba Époka 2026-2027
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt