CNRT Halo Konsolidasaun Rekursu iha Munisípiu Díli no Fó Pose Ba Klibur Polítika Na’in-1120

Konsolidasaun partidu CNRT nivel Munisípiu Díli, Tersa 15 Setembru 2026.

Díli, 16 Setembru 2026 (RAFA)- Partidu Congresso Nacional de Reconstrução de Timor-Leste (CNRT), Tersa-ne´e, iha Salaun CCLN, Comoro, Díli, halo konsolidasaun rekursu hodi hametin estrutura, no kontinua haforsa polítika partidu nian iha Munisípiu Díli no fó mós pose bá klibur polítika na’in-1120 ne’ebé fahe ba divizaun 13, ho objetivu atu hametin estrutura no forsa polítika partidu nian hodi prepara-an bá eleisaun sira iha tinan 2027 no 2028.

Kordenadór  Jerál Klibur Profesionál (KP) Partidu CNRT, Miguel Marques Manetelu, hatete katak nia sente kontente tanba joven sira ho otas  nurak barak liu mak komesa kahur malu no partisipa hamutuk ho membru sira ne’ebé idade boot liután iha atividade tomada Pose bá klibur Potiltka partidu CNRT nian .

“Ida-ne’e programa kurtu Prazu nian, ohin  ha’u temi ona katak  partidu ne’e (CNRT-Red) tenke la’o bá oin, tanba ita rona ema balu ko’alia katak, drsitnu partidu CNRT ne’e depende bá maun boot Kay Rala Xanana Gusmão, katak  loron ida maun boot sei deskansa, partidu ne’e sei hanesan PSD ho ASDT, mais ita tenke reafirma ida-ne’e katak ida-ne’e ne’e laloos,” hatete Miguel Marques Manetelu.

Koordenadór ne´e afirma katak, ho emposadu no partisipante ne’ebé partisipa iha Konsultasaun potiltka refere, la’ós tanba buka kargu ho servisu, maibé  iha dalan ida ne’e ho objetivu ida katak partidu CNRT maka bele halo dezemovlimentu bá rai ida-ne’e, no hadia povu  nia moris iha futuru.

Nia hatutan inisiativa husi departamentu sira, klibur polítika no koridoor sira iha munisípiu sira, ne’ebé hala’o atividade polítika ho inisiativa rasik hodi haforsa estrutura partidu.

“Hanensa Kordenadór Jerál KP kontente tanba, tanba departamentu sira  klibur polítika sira, koridoor sira iha Munisípiu,  sira hala’o atividade ne’e  ho inisiativa rasik,  sira mosu mai hatete katak  kompañeru ami hakarak vhaki atividade ida-ne’e  husu bá sira dehan hetan apoiu husi  ne’ebé balu dehan katak ami rasik kontribui,” nia dehan.

KP Munisípiu Dili tenke orgullu, tanba estrutura sira kompletu, tama ne’e loraik ida-ne’e hamutuk atu ko’alia no hato’o mensajen bá públiku katak saida ema ko’alia ne’e la loos.

Iha fatin hanesan Sekretáriu Jerál Partidu CNRT, Francisco Kalbuady Lay, reprezenta Prezidente Partidu CNRT, Kay Rala Xanana Gusmão, hato’o parabéns ba membru no kader sira ne’ebé ohin loron simu responsabilidade foun iha estrutura partidu no hili dalan hamutuk ho partidu  CNRT atu hala’o servisu bá rai ida-ne’e, no servisu  bá Povu tomak.

“Ohin loron ita mai halibur iha ne’e ho nai Maromak nia grasa matebian sira hotu nia tulun, atu antes mai ohin dadersan to’o, ha’u bá hasoru  tiha avo, tanba avo agora  sibuk loos, servisu barak tebes iha Finansas hodi prepara orsamentu bá 2027,” hatete Sekretáriu Jerál Francisco Kalbuadi Lay

Sekretáriu Jerál hatutan Partidu CNRT hahú husi grupu ki’ik ida no fundadór sira ne’ebé hamutuk ho objetivu atu harii no hametin partidu. Nia konsidera sorte ida boot ba CNRT tanba iha fundadór nasaun, Kay Rala Xanana Gusmão, nu’udar mos fundadór partidu

“Partidu ne’e hahú husi ema lubuk ida, fundadór lubuk ida, balu ke la hamutuk ona ho Ita, Ita sorte tebetebes iha partidu ida ne’e iha  fundadór nasaun ida,  mak Maun Kay Rala Xanana Gusmão, nia mós fundadór bá Partidu ida-ne’e, katak entre partidu hotu-hotu di’ak, maibé  Maun boot hili ida-ne’e ohin loron hamutuk ho familia KP nian iha fatin ida-ne’e,” nia dehan.

Kalbuadi hatete katak, maski iha partidu polítiku barak iha Timor-Leste, Xanana Gusmão hili atu hamutuk ho família CNRT, no partidu ne’e agora tama ona ba tinan 19 nia ezisténsia. No lideransa CNRT kontinua hanorin membru sira atu tau interese nasionál   aas liu,  bá interese partidu no interese pesoál.

“Maun boot hanorin ita katak tau intesrese Nasionál aas liu interese partidu nian, tau fali interese pesoál ne’e Ita tau bá sorin,  interese partidu nian aas liu interese  pesoál  hogrupu ida-ida nian.” Nia esplika.

Sekretáriu Jerál ne´e subliña, unidade iha partidu no unidade ho ema hotu-hotu sai elementu importante atu hametin demokrasia no estabilidade polítika iha nasaun.

Tanba ne’e,  Partidu CNRT tenke hametin unidade ho ema hotu-hotu, no partidu polítika sira hotu, sé de’it. Demokrasia ida-idak nian, maibé ho objetivu ida de’it, atu hametin demokrasia no estabilidade, atu serbí ba povu ho rai domin ida-ne’e.

Durante  serimónia tomada Posse, Empozadu na’in-1120 halo juramentu, hodi servisu hamutuk ho estrutura, atu hametin forsa Potiltka partidu CNRT, hodi prepara eleisaun-2027- 2028.

Jornalista: Marcelino Tomae/Juvinal Cabral dos Santos