play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

CAC Propoin Adisionál Mill 600 USD Ba Programa Prioridade sira iha OJE 2027

todayAugust 26, 2026 14

Background
share close

Komisáriu CAC, Rui Pereira dos Santos.

Díli, 26 Agustus 2026 (RAFA)- Komisaun Anti-Korrupsaun (CAC), propoin adisional mill 600 USD  ba Komité Revizaun Polítika Orsamentu Jerál Estadu (OJE) 2027 atu utiliza ba programa no atividade prioridade sira.

Komisáriu CAC, Rui Pereira dos Santos, hatete iha tetu fiskál Orsamentu Jerál Estadu (OJE) tinan 2027 CAC  iha   orsamentu ho montante millaun  220 USD, tanba ne’e liuhosi diskusaun ho parte tékniku sira, iha Komité Revizaun Polítika ne’e husu tan  adisionál  mill 600 USD.

“Depois ami halo ezersisiu orsamentu  millaun 220 USD  la sufisiente atu bele realiza atividade CAC ninian,  tanba ne’e mak CAC husu adisionál mill 600 USD,” Komisáriu Rui Pereira dos Santos informa.

Nia hatutan CAC nia ekipa sei diskute iha ne’e, maibé iha prinsípiu Prezidente KROP ho membru sira, apresia ho saida mak CAC propoin ho razaun mak justifikasaun iha sira ne’ebé iha ne’e.

“Ha’u hanoin na’in sira hatene servisu balun mak ami halo monitorizasaun ba projetu sira ne’e, halo investigasaun no mós liga ho kazu pekulatu ba uzu sira, ha’u hanoin na’in hira akompaña ita mós estabelese konjunta hodi halo auto stop no fiskalizasaun ba utilizasaun veíkulu Estadu ne’ebé infratór sira utiliza la tuir nia presedimentu Lei,”  nia esplika.

Prióridade ba CAC ne’e servisu prevensaun, investigasaun, servisu Finansas liu-liu kooperasaun prióridade hotu, tanba CAC mós sai ona membru instituisaun CAC-ASEAN nian ba dala-11 ne’ebé CAC presiza mós orsamentu ne’ebé bele sufisiente ba servisu CAC nian.

CAC hanesan pontu vokal UNCAC orsamentu ne’e tenke iha, nune’e enkontru sira regular iha Áustria-Viena, enkontru sira rejionál no hanesan iha Tailandia, Malázia, Indonézia, ASEAN ninian no mós konvite mai husi fatin sira seluk tenke iha.

Tinan kotuk CAC husu adisionál mill 900 USD, maibé aprova besik besik mill 700 USD maibé espera katak iha aprovasaun ne’e nesésidade urjente sira ne’ebé liga ho investigasaun, hanesan ekipamentu investigadór sira IT nian ne’e prióridade no mós CAC presiza rekruta nia ema na’in 10 ba servisu deklarasaun rikusoin ninian.

 Jornalista: Cristina Ximenes

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!