Noticias

CAC Promove Formasaun Kombate Korupsaun Ba PNTL

todayOctober 15, 2026 21

Background
share close

Díli, 15 Outubru 2026 (RAFA)- Komisaun Anti Korrupsaun (CAC) promove formasaun kombate korupsaun ba membru Polísia Nasionál Timor-Leste (PNTL).

Atividade ne’ebé hala’o iha Sentru Fromasaun Akadémia Polísia, Díli, Kinta-ne’e,   atu hametin koñesimentu no kapasidade membru polísia sira kona ba kombate no prevensaun krime korupsaun.

“Objetivu formasaun ba polísia nu’udar parseiru ho CAC, tanba ita asina ona memorandu ida atu reprezenta instituisaun rua ne’e. Ida-ne’e atu kombate krime iha parte komún no krime korupsaun,” Adjuntu Komisáriu Komisaun Anti-Korupsaaun ba Prevensaun no Sensibilizasaun, Rosário Salsinha Araújo, informa ba jornalista sira.

Formasaun ne’e mós atu aprosíma liután polísia, liuliu komandante sira, atu komprende oinsá servisu sira liga ho asuntu krime korupsaun, no oinsá atu hadi’a sistema iha servisu polísia.

Iha fatin hanesan, Segundu Komandante Institutu Superior Sentru Formasaun Polísia, Superintendente Xefe Polísia Joni Viana, konsidera katak formasaun ne’e importante tebes atu aumenta koñesimentu membru PNTL nian kona-bá lei no medida sira ne’ebé relasiona ho prevensaun no kombate korupsaun.

“Informasaun ida-ne’e importante tebes, liga ho Lei Nú. 17/2020 kona-bá medida prevensaun no kombate korupsaun,” Superintendente Xefe Polísia Joni Viana  haktuir.

Nia afirma nu’udar ajente seguransa no parte husi aparellu Estadu, PNTL tenke iha koñesimentu kona-bá lei sira, atu nune’e bainhira ezekuta misaun iha terrenu, la halo sala no bele hala’o knaar tuir padraun ne’ebé loos.

Formasaun ne’e mós sai nu’udar oportunidade atu hametin tan koordenasaun no koperasaun entre CAC no PNTL, liuliu iha esforsu hamutuk atu prevene no kombate korupsaun, no promove integridade iha instituisaun públika sira.

Jornalista : João Carlos/Juvinal Cabral

 

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!