Ouvir RAFA Ritmo, Voz e Coração de Timor
CAC liberta motorista na'in-tolu ne'ebé kumpre orientasaun superior sira nian hodi transporta superior sira-nia oan ba eskola.
Díli, 13 Novembru 2026 (RAFA)– Komisaun Anti-Korrupsaun (CAC, sigla-portugés) liberta motorista na’in-tolu, ne’ebé utiliza veíkulu Estadu hodi ttransporta superior sira husi Komisaun Funsaun Públiku (CFP, sigla portugés) ho Tribunal Rekursu (TR) sira-nia oan bá eskola.
Veíkuku Estadu ne’ebé ekipa investigadór Kriminál husi CAC halo apreensaun ne’e, rua husi CFP ho sapa matrikula CFP.03, CFP.05 no ida husi Tribunál Rekursu ho sapa matrikula TR.002.
Motorista sira utiliza veíkulu Estadu hodi transporta kargu xefia sira-nia oan ba eskola tanba orden husi superior sira.
Diretór-Jerál Investigasaun Kriminál CAC, José de Araújo Verdial hatete bá RAFA via telefonika katak motorista na’in-tolu ne’e hetan despaisu husi komisáriu sira, tuir dispozisaun Dekretu-Lei n.º 80, ne’ebé sira uza hanesan justifikasaun ba utilizasaun veíkulu Estadu.
“Motorista na’in-tolu ita liberta tiha tanba sira iha jusftifikasaun tuir dekreitu lei nú.80, sira hetan despaisu husi sira nia superior sira. Maibé ida-ne’e utiliza bá interese pesoál, tanba ida-ne’e ita liberta tiha la’o bá prosesu normál de’it,” hatete José Verdiál.
Nia hatutan, hafoin halo apuramentu faktu sira ho verifika iha komprova katak motorista sira halao de’it kna’ar hodi kumpre ordén no instrusaun direta husi sira nian superior, tanba ne’e liberta Motorista sira detéin durante oras 12 nia laran liberta.
Diretór-Jerál Investigasaun Kriminál afirma maske motorista ne’e liberta, maibé prosesu normál la’o, atu kontinua Investiga Superior na’in -rua husi CFP ho TR tanba sira mak fó ordén bá motorista sira atu hala’o servisu bá superior sira nia interese privadu.
Nia esplika, CAC liberta motorista na’in-tolu ne’e, tanba bazeia dispozisaun legál artigu 223 iha númeiru-1 alinea V, A, husi Kodigu Prosesu Penál laiha tan motivu ka nesesidade prosesual atu mantein sira nia detensaun, no viatura sira ne’e foti no entrega fali ba servisu estadu Ninian hodi hein proseu invetigasaun la’o.
CAC haree aktu Direjente husi CFP ho TrR iha indisiu forte kona-bá dezviu uzu illegál meius públiku hodi fo ordén ka autoriza motorista hodi hala’o servisu partikular no familiar-tula oan ba eskola.
Hanesan notísia ne’ebé RAFA fó sai ona katak iha Tersa, foin lalais ne’e. CAC detein motorista na’in-tolu no halo aprensaun bá veíkuku Estadu tolu husi Komisaun Funsaun Públiku (CFP) ho Tribunál Rekursu (TR) tanba alegadamenta utiliza bá interese privadu liu-husi movimentu tula oan bá eskola.
Jornalista: Marcelino Tame
Written by: RafaFM
CAC Liberta Motorista Na’in-Tolu Ne’ebé Utiliza Veíkulu Estadu Transporta Superior Nia Oan Bá Eskola
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt