Noticias

CAC Ho MESSC Hala’o Konsulta Públiku Integra Matéria Anti-Korrupsaun iha Kurríkulu Ensinu Superior

todayNovember 18, 2026 10

Background
share close

Díli, 18 Novembru 2026 (RAFA)- Komisaun  Anti-Korrupsaun (CAC) ho Ministériu Ensinu Siénsia no Kultura  (MESSC) hala’o konsultasaun públiku hodi integra matéria anti-korrupsaun bá iha kurríkulu Ensinu Superior nian hodi ajuda estudante universitáriu sira iha koñesimentu kona-bá medida prevensaun bá korrupsaun.

Konsulta públiku ho maneira workshop nasionál ne’ebé halo iha salaun auditóriu Kay Rala Xanana Gusmão iha Ministériu Finansa, Díli, Kuarta-ne’e, ho tema “Konsultasaun no Validasaun Matéria Anti-Korrupsaun hodi Interga iha Ensinu Superior”

Komisáriu Komisaun Anti-Korrupsaun, Rui Pareira dos Santos liu-husi nia diskursu subliña  workshop nasionál ne’e importante importante bá Timor liu-husi indtrodusaun Matéria anti-korrupsaun bá estudante sira hodi  kompiende no iha koñesimentu bá asuntu korrupsaun iha Estadu ida-ne’e nian.

Komisáriu ne´e afirma, matéria anti-korrupsaun ne’e la’ós estudante bá universitáriu de’it, maibé  tuir planu iha future sei integra hotu bá presenkudariu ho esinu sekundariu.

“Eventu ida-ne’e importante bá ita Timor oinsá ita bele lori dokumentu ida atu introdús bá iha ita-nia edukasaun Timor-Leste liu-liu  ensinu superior, atu introdús materia korrupsaun atu ita-nia  oan sira  bele hahú ona aprende asuntu korrupsaun iha universidade,” hatete Komisáriu Komisaun Anti-Korrupsaun, Rui Pareira dos Santos.

Iha fatin hanesan, Minitru Ensinu Superior Siénsia no Kultura  Interinu, Mariano Assanami Sabino hatete, atu kombate edukasaun ne’e tenke hahú iha edukasaun, tanba ne’e matéria ne’e tenke iha konetiviadade ho situasaun Estadu Timor ninian, tanba ne’e maka presiza integra matéria korupsaun ne’e  iha esinu superior.

Iha kontestu ida-ne’e,  Ensinu Superior iha responsabilidade estratéjiku hamutuk ho reitór sira universitáriu sira tenke fó hanoin hamutuk hodi formaliza matéria ida-ne’e.

“Entaun Universidade sira la’ós Institusaun Ensinu Superior sira la’ós de’it fatin tranmiti koñesimentu tékniku no  siéntifiku de’it, maibé tenke sai fatin forma sidadaun  sira ne’ebé iha hanoin kritiku konsiénsia étika no sentidu responsabilidade bá intese Públiku,” hatete Vise-Primeiru-Ministru Mariano Assanami Sabino.

Governante ne´e afirma, proposta atu integra matéria anti-korrupsaun iha ensinu superior, importante atu halo transformasaun, maibé objetivu prinsipál la’ós aumenta de’it matéria, importante bá estudante sira komprende importansia integridade respeita ba lei transparensia no responsabilidade intesrese públiku.

Nia subliña evolusaun ida-ne’e atu eduka estudante sira atu indentifika konflitu bá interese kompreinde konsikuénsia korrupsaun, respeita rekursu públiku no dezenvolve kapasidade atu halo ho responsabilidade ho étika.

Jornalista: Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!