Ouvir RAFA Ritmo, Voz e Coração de Timor
CAC fó formasaun kona-bá Lei Medida Anti Korupsaun ba jornalista timoroan sira, Kuarta 7 Outubru 2026.
Díli, 07 Outubru 2026 (RAFA)- Komisaun Anti-Korrupsaun (CAC, siglá portugés), Kuarta-ne’e, fasilita formasaun no halo sensibilizaun kona-bá Lei númeru 7/2020, medida prevensaun no kombate korupsaun (MPCC, sigla portugés) ba jornalista Timoroan na’in-40.
Formasaun ne’ebé hala’o iha salaun Autoridade Munisípiu Díli ne’e atu hasa’e koñesimentu no kapasidade jornalista sira nian hodi kontribui kobertura sira ne’ebé refleta iha prinsipiu governasaun di’ak, transparénsia, integridade no responsabilidade.
Komisáriu CAC, Rui dos Santos Perreira, iha abertura formasaun ne’e hatete katak mídia mak sai nu’udár matan no tilun ba CAC hodi bele halo investigasaun ba kazu korrupsaun sira ne’ebé iha.
“Ita-boot sira pelemenus iha koñesimentu ruma liuliu liga ho servisu setór justisa nian, buat ne’ebé mak tenke públika no buat sira ne’ebé labele públika. Ha’u hanoin lori Komisaun Anti-Korrupsaun nian naran agradese ba maluk mídia sira, maluk jornalista sira atu hatene buat sira ne’ebé fó sai, nune’e ita servisu hamutuk,” Komisáriu Rui dos Santos Perreira hateten.
Formadór sira iha atividade ne’e mak Komisáriu Adjuntu Prevensaun no Sensibilizasaun Rosário Salsinha, Komisáriu Adjuntu Investigasaun Alvaro Maria Freitas, Investigadór CAC Augosto Castro ho membru Konsellu Imprensa (CI) Konselleiru Benevides Correia Barros de Sá.
Jornalista: Zita Menezes
Written by: RafaFM
CAC Fó Formasaun Ba Jornalista Timoroan Kona-bá Lei Medida Prevensaun no Kombate Korupsaun
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt