play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

CAC Aprezenta Relatóriu UNCAC Ba Konsellu-Ministru Atu Hetan Apresiasaun no Aprovasaun

todayJuly 8, 2026 30

Background
share close

Komisáriu Komisaun Anti-Korrupsaun (CAC, sigla portugés), Rui Pereira dos Santos. Imajen/Rafa.tl

Díli, 08 Jullu 2026 (RAFA.TL)- Comissão Anti-Corrupsão (CAC) aprezenta relatóriu United Nations Convention Against Corruption (UNCAC) ba Konsellu-Ministru hodi bele halo aprovasaun no apresiasaun nune’e bele públika iha website Nasoins Unidas nian.

“Komisáriu ho adjuntu ho Diretór Jerál CAC partisipa enkontru iha Konsellu-Ministru hodi halo aprezentasaun kona-bá sumariu ezekutivu UNCAC nian. Tanba sumariu ezekutivu ne’e ita entrega ona ba Primeiru-Ministru no mós membru Governu sira iha Konsellu-Ministru nian atu lee no halo apresiasaun depois adopta relatóriu ne’e para Sekretáriadu UNCAC nian iha Austria bele tau ona iha website,” Komisáriu CAC, Rui Perreira dos Santos ba jornalista sira iha Palásiu Governu, Kuata-ne´e.

Iha enkontru ne’e CAC  fokus ba asuntu relatóriu UNCAC nian katak iha tempu besik Primeiru-Ministru no membru Governu sira iha Konsellu Ministru nian bele aprova através rezolusaun ruma kona-bá sumariu ezekutivu nian.

Iha 2012 mós primeiru siklu nian mai aprezenta depois hetan mós aprovasaun iha Konsellu-Ministru autoriza sekretáriadu UNCAC nian hodi bele públiku relatóriu CAC  nian ba iha website Nasoins Unidas nian, liuliu ba asuntu korrupsaun nian.

“Iha tinan kotuk CAC halo atividade boot iha salaun Ministériu Negosiu Estranjeiru no Kooperasaun (MNEK) liga ho UNCAC nian, tanba ne’e, prosesu ne’e lori tempu naruk. Agora mak foin ezekuta sumariu refere ne’e sira fó iha fulan rua ba kotuk tanba Primeiru-Ministru no Membru Governu sira presiza CAC halo aprezentasaun ne’e mak CAC ohin mai halo aprezentasaun,” Komisáriu CAC hateten.

Relatóriu UNCAC ne’e foku kona-bá asuntu korrupsaun de’it,  no tuir regra UNCAC nian katak bai-bain nasaun sira halo avaliasaun ba malu relasiona ho asuntu korrupsaun iha  estadu ida no  ezemplu hanesan tinan hira ba kotuk  Timor-Leste halo ona avaliasaun ba nasaun Malázia nomós nasaun Norwegia.

Jornalista : Zita Menezes/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!