Noticias

Autoridade Timor-Leste Prende Oleo Ilegál Kaixa 82

todayNovember 11, 2026 26

Background
share close

Díli, 11 Novembru 2026 (RAFA)-Autoridade Timor-Leste, Kuarta-ne’e, hale’u tuku 02:22 dadeer Otl, iha tasi-biun Munisípiu Liquiça, halo apreensaun ba olio kaixa 82 ne’ebé importa ilegalmente mai Timor-Leste.

Komandante interinu Unidade Polísia Marítima (UPM) Superintendente Asistente Polísia Lino Vinhas, informa ekipa konjunta halo operasaun ba merkadu ilegal iha Batuboro, Maubara, Munisípiu Liquiça no prende sasán ilegál oleo kaixa 82 ne’ebé transporta husi bero balun ne’ebé halai lakon tiha ona.

Liu husi konferénsia imprensa iha edifisiu UPM iha Díli, Superintendente Asistente Polísia Lino Vinhas esplika ekipa halo auto stop iha Batuboro Maubara nian hamutuk nia informador konjunta husi Naval, M2 ho Servisu Nasionál Intelejénsia Estratejika  (SNIE), no hetan informasaun husi fontes kredivel balun katak ró ida sei hatun sasán iha área Liquiça nian. Nune’e, komandante koloka kedas informador sira mai iha fatin ne’ebé sira atu hatun sasan illegal to’o konsege detein duni sasán sira ne’e iha tasi ibun.

“Sasan apreensaun  oleo hamutuk kaixa 82, kompostu husi kaixa boot 7 ho marka Oleo mesin AHM MPX2, ho kapasidade 0,8 litru, no kaixa ki’ik 75 ho marka Oleo ba transmisáun (Transmission Gear Oil),” nia informa.

Prosesu tuir mai UPM sei  identifika hotu sasán sira no koordena  ho Diresaun Servisu Investigasaun Kriminál (DSIK) hodi prosesu kontinua ba Ministériu Públiku (MP).

Iha loron 28 fulan-Outubru 2026, autoridade sira halo check point iha Kompañia Atabae prende bebida coca-cola hamutuk kaixa 96, no kontinua iha loron 05 fulan-Novembru, tinan ne’e, prende tan You C1000 hamutuk kaixa 64.

Prosesu  ba atividade merkaduria illegal sira-ne’e submeter  ona ba iha Ministériu Públiku.

Jornalista: Juvinal Cabral dos Santos

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!