Atleta Ana Belo Reprezenta Timor-Leste Partisipa Asian Games

Atrleta Taekwondo Timor-Leste preparadu partisipa kompetisaun Asian Games Nagoya .

Díli, 9 Setembru 2026 (RAFA) – Atleta modalidade Taekwondo, Ana da Costa Belo tempu badak reprezenta Timor-Leste partisipa iha kompetisaun Asian Games Nagoya  ne’ebe realizia iha Japaun.

Sekretariu  Jerál Federasaun Taekwondo  Timor-Leste (FTTL) , José Magno konfirma katak  atleta selesaun  nasionál Taekwondo Timor-Leste Ana da Costa Belo sei partisipa iha eventu internasionál, Asian Games Nagoya Japaun.

Ezekutivu FTTL ne’e relata dezde indisiu atu haruka atleta sira ba partisipa iha eventu ne’e, sira halo preparasaun husi fulan-Fevereiru liubá iha Korea, hafoin halao selesaun ba atleta sira  ekipa selesaun  nasionál Taekwondo Timor-Leste desidi atleta Ana da Costa Belo sei partisipa kompetisaun ne’e.

Ita ba kualifikasaun eventu internasionál Asian Games ne’ebe sei akontese iha  AICHI-Nagoya  Japaun, tinan-ne’e, ita nia preparasaun inisiál sira ne’e ita hahú kedas ho komunikasaun ho ita nia Asian Taekwondo ninian ho mós ita nia parseiru balun iha Korea,” Sekretariu  Jerál  FTTL  José Magno hateten ba jornalista sira, iha nia knar fatin, Kuarta-ne’e.

Nia afirma, alteta taekwondo ne’ebe sei ba partispa iha eventu ne’e antes ne’e halo hela preparasaun hahú husi fulan  Fevereiru ho parseiru sira ne’ebe bele disponivél, para akomoda atleta Timor Leste iha Corea.

“Ida ne’e kontinuasaun preparasaun  la’o atu partisipa ninia kualifikasaun Asian Games ne’ebe akontese iha nagoya ne’eba atleta Ana da Costa Belo tama kategoria Kyu Ruggy  46 kilograma nian,” haktuir José Magno

Ezekutivu ne’e hatutan, razaun atleta Ana da Costa Belo prezensa iha Timor-Leste hodi  halo preparasaun tanba atleta refere, sei trata hela dokumentu importante balu  molok fila -fali Corea hodi halo preparasaun.

Kona-bá prepara kondisaun ateleta nian iha ra- liur konforme negosiu  FTTL ho parseiru sira ne’ebé halo antes  ona sira disponivél  para bele akomoda  fatin ne’ebe atleta ne’e halo treinamentu  iha Asian University. Tanba, fatin refere kategoria ida standar nasionál nian para oinsa bele fó espasu ba atleta sira bele halo ezersisiu nune’e mós bele iha kapasidade tétiku ,fizika no mental ne’ebé di’ak , bele halo preparasaun husi atletas husi pais seluk.

Nia  hateten, atleta refere provizoria dadaun ne’e labele halo konsentrasaun hamutuk  ho nia maluk atletas seluk iha fatin kazerna ne’ebé Governu Timor-Leste prepara tanba ho razaun atleta ne’e hetan apoiu husi bolseiru IOC Korea nian.

Jornalista: David Gonçalves