Assalam F.C Prepara Estratéjia Espesiál Atu Halo Surpreza Ba Karketu Díli F.C

Ekipa Assalam F.C iha Taça da Liga 2025. Imajen/Rafa.tl

DILI, RAFA.tl – Ekipa Assalam F.C prepara estratéjia espesiál no promete sei halo surpreza ba Karketu Díli F.C iha jogu faze daruak meiu-finál hodi hadau tiketi ida ba finál Taça da Liga.

Notísia Relevante: Karketu Díli F.C no Assalam F.C Empata 1-1 iha Faze Dahuluk Meia-Finál Taça da Liga

Treinadór Assalam F.C, Adu Marques Nami Ruru hatete, nia ekipa esforsu maka’as ho tékniku no tátika ne’ebé iha, atu nune’e, bele hetan pontu tolu  hodi hakat ba faze finál.

“Atu atende Kerketu, tenke servisu maka’as, mentál, fíziku, tékniku ne’ebé ami prepara atu hasoru iha Domingu (22/02/2026), ne’ebé tama ona iha leg daruak ne’e determinante, ne’e ami tenke esforsu maka’as  pursentu 100, ne’ebé ha’u nu’udar treinadór, nu’udar ekipa, ha’u hakarak manán, rekolla pontu tolu hodi tama finál,” Adu Marques Nami Ruru haktuir ba jornalista sira liu husi konferénsia ba imprensa iha Estádiu Munisipál Díli, Kinta (19/02/2026).

Nia hateten, ema hotu hatene ekipa Emmanuel F.C  hanesan ekipa nasionál ida naran laiha, maibé halo esforsu hotu no brani koko para kompete no manan Karketu Díli.

Treinadór Karketu Díli F.C, Bernard Taye afirma, nia  ekipa halo ona preparasaun inklui hadi’a mós fallansu balu  antes ne’e bainhira kontra Emmanuel FC iha faze daruak meia-finál Taça da Liga.

“Ami hadi’a ona ami nia sala sira, ami sai forte liu tán, no ami garante sei  manán,” Bernard Taye afirma.

Antes ne’e, ekipa Assalam F.C no Karketu Díli F.C fahe pontus hanesan iha jogu faze dahuluk  meia-finál hafoin ekipa rua empata 1-1.

Ekipa rua sei kontinua jogu faze daruak iha Domingu, 22 fulan-Fevereiru ne’e, iha Estádiu Munisipál Díli, oras tuku 18:00 OTL.

Reportajen ekipa Rafa.tl