Noticias

AMD Sei Regula Abitante Sira Ne’ebé Soe Lixu Arbiru

todayOctober 5, 2026 24

Background
share close

Díli, 5 Outubru 2026b (RAFA),–Autoridade Munisípiu Díli (AMD) sei propin ba Governu liu husi Ministériu Administrasaun Estatál (MAE) atu aselera diploma ministeriál ka regulamentu espesifiku hodi orienta komunidade soe lixu tuir orden.

Prezidente Autoridade Munisípiu Díli, Francisco dos Santos, hateten daudaun ne’e populasaun balun seidauk iha konsénsia soe lixu iha lixeira ne’ebé Autoridade Munisípiu Díli ho MAE estabelese iha suku, aldeia no bairru idaidak. Nune’e, abitante balun kontinua soe lixu arbiru iha estrada ninin, iha mota laran no iha esgotu ka drainajen laran.

“Ha’u husu ona ba MAE atu bele aselera diploma ministeriál ida hodi bele kompleta Dekretu-Lei númeru 3/2024 ko’alia kona-bá ijene orden públika. Tanba iha ne’ebá ne’e temi jerál hela, entaun presiza diploma ministeriál ida ka lei komplementar ida husi MAE atu regula sosiedade ne’ebé seidauk iha konsénsia soe lixu iha lixeira,” PAM Díli Francisco dos Santos haktuir ba RAFA hafoin sai bainaka iha programa Bom Dia RAFA edisaun Segunda 5 Outubru 2026, iha estudiu RAFA iha TORRETO, Díli.

“Sidadaun sira bainhira laiha konsiénsia ona, entaun tenke fila-fali regulamentu ruma, nune’e regula sira atu bele konsensializa sira, se la’e konsiénsia la mosu,” Prezidente Autoridade Munisípiu Díli, Francisco dos Santos afirma tan.

Nia reforsa, maske Autoridade Munisípiu Díli iha rekursu atu prodús lei ne’e, maibé buat hotu-hotu sei sentraliza iha MAE. Nune’e, oportunidade ne’e husu ba MAE atu bele aselera diploma ministeriál ka regulamentu ruma fó ona mai autoridade sira regulariza aktu sosiedade ne’ebé seidauk iha konsénsia atu koidadu ambiente no soe lixu arbiru de’it.

Jornalista: Cristina Ximenes/Mário Fili

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!