Ouvir RAFA Ritmo, Voz e Coração de Timor
Ai-samtuku monu taka iha Railaco hodi difikulta movimentu Dili-Gleno no Ermera, Sesta 20 Novembru 2026.
Railaco, 20 Novembru 2026 (RAFA)- Ai-Samtuku hun-boot ida monu taka tomak estrada iha Railaco Leten antes istlasaun Cooperativa Café Timor (CCT) nian.
Situasaun ne’e difikulta movimentasaun transporte públiku no privadu (motór-karreta) Diresaun Díli ba Gleno-Ermera, nune´e mós husi Ermera-Gleno mai Díli.
Tuir observasaun RAFA iha fatin akontesimentu, ai-samtuku monu ne´e haleu tuku 13.00 liu OTL, no ho situsaun ne´e, provizoriamente movimentasaun transporte públiku no privadu sira liu-liu ba karreta husi diresaun Díli ba Gleno-Ermera no husi Gleno mai Díli sei paradu provizoriu.
To’o notisia ne´e públika, seidauk iha intervensaun husi autoridade kompetente, liu-liu parte Autoridade Protesaun Sivíl, Diresaun Nasionál Bombeiru hodi halo normalizasaun no hasai ai-samtuku ne´ebé iha taka dalan.
Provizoriamente movimentasaun transporte no komunidade sira ne´ebé halo viajen husi Díli ba Railaco no Gleno-Ermera no husi Ermera mai Díli sei kontinua hein atu ekipa Bombeiru ba halo normalizasaun liu-liu ko’a ai-samtuku ne´ebé taka dalan hodi normaliza hikas movimentu iha diresaun refere.
Reportajen ekipa RAFA
Written by: RafaFM
Ai-Samtuku Monu Taka Tomak Estrada iha Railaco Difikulta Movimentasaun Díli-Ermera
todayNovember 20, 2026 10 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt