play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

AD Estrela Baguia Sofre Derota Kontra Coelho F.C ho Skor 0-6

todayMay 27, 2026 104 1 5

Background
share close

Ekipa F.C Coelho. Imajen/AFTL

Díli, 27 Maiu 2026 (Rafa.tl)- AD Estrela Baguia sofre derota kontra F.C Coelho ho skor 0-6 iha jogu kontinuasaun Kopa Asosiasaun Futsal Timor Leste (AFTL) 2026 faze apuramntu grupu C.

Jogu ne’ebé hala’o iha kampu futsal Kuartel Jenerál F-FDTL iha Díli, Tersa (26/05/2026),  ekipa Coelho F.C dezde kick off primera parte tun kedas ho jogu ofensivu hodi halo kontra atake ba ekipa AD Estrela Baguia.

Jogu foin lao minutu tolu, jogadór Coelho F.C,  Ruben Faria lansa kedas golu ida hodi halo rede AD Estrela Baguia nakdoko no muda skor ba 1-0.

Tama ba iha minutu neen (6) Coelho F.C marka tan golu ida liu hosi jogjogadór Nando Fernandes hafoin simu asistensia hosi nia kompatriota Ruben Faria hodi muda aumenta skor ba 2-0.

Sofre ona golu rua obriga ekipa AD Estrela Baguia tenta halo jogu ofensivu hodi lansa kontra atake ba Coelho F.C, maibé ekipa Coelho F.C mantein solidu no ikus mai halo supreza liu hosi kontra atake lalais hodi produs tan golu ida hatuur skor ba 3-0 liu hosi jogador Artires Pires no golu ne’e mak termina jogu priemeira parte.

Kontinua ba segunda parte ekipa rua tenta lansa kontra atake malu ho intensiddade aas no tama ba iha minutu 34, Ruben Faria  husi Coelho F.C maraka tan golu ida hodi haboot liu tan skor ba 4-0.

Ekipa AD Estrela Baguia ne’ebé la halo subtituisaun durante jogu konsege perde intensidade iha minutu ikus, enkuantu ekipa Coelho F.C aproveita rotasaun jogador sira hodi aumenta velosidade no lansa kontra-atake lalais ne’ebé difisil atu para.

Enerjia jogador sira ne’ebé di’ak fó vantajen boot ba ekipa Coelho F.C hodi domina tranzisaun hosi defeza ba atake no kria oportunidade iha minutu 38, Denilson Dds Santos marka tan golu Ida hodi hasa’e skore ba 5-0.

Liu deit minutu ida Coelho F.C termina ho festa golu liu hosi asaun jogador Aristires Pires hodi haboot liu tan skore ba 6-0 to’o termina jogu Segunda parte vitoria ba Coelho F.C.

Hosi rezulatadu vitória ne’e lori ekipa Coelho F.C ukun provizoriu tabela klasifikasaun grupu C ho pontu tolu no AD Estrela Baguia tenke hela iha klasifikasaun ikus ho pontu zero.

Grupu C kompostu hosi ekipa tolu mak hanesan Coelho F.C, AD Estrela Baguia FC no Academica F.C.

Jornalista: Davilio Valdamir/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!