play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Aban, Primeiru-Ministru ba Indonézia hodi defende Povu nia Direitu Soberania ba Fronteira Maritíma

todayAugust 28, 2026 40

Background
share close

PM Xanana halo abertura ba simpoziu Oceanx iha Sentru Konvensaun Díli (CCD), Sesta 28 Agostu 2026.

Díli, 28 Agostu 2026 (RAFA)- Primeiru Ministru, Kay Rala Xanana Gusmão, Sábadu  29 Agostu ne’e, desloka ba Jakarta-Indonézia hodi defende povu nia direitu kona-bá  soberania ba Fronteira Maritíma Timor-Leste nian ba ronda da-haat.

Iha ámbitu simpoziu Oceanx iha Sentru Konvensaun Díli (CCD), Sesta-ne´e, Xefe Ezekutivu Timor-Leste ne’e hateten luta ba delimitasaun Fronteira Maritíma labele haketak husi luta soberania povu ida ne’e nian. Ho determinasaun ne’ebé hanesan, direitu ne’ebé hanesan, atu goza tomak husi ekonómia sosiál, kulturál, ambientál buat ne’ebé hetan.

“Aban, (Sábadu 29 Agostu 2026) ha’u sei ba Indonézia, atu kontinua negosiasaun kona-bá ita-nia Fronteira Maritíma ho Indonézia,” Xanana Gusmão informa.

Fó hanoin fali katak, enkontru ofisial senior sira husi Timor-Leste no Indonézia hodi hahú ronda da-huluk negosiasaun fronteira maritíma entre Timor-Leste no Indonézia hala ‘o iha Timor-Leste husi loron 19 to’o loron 20 fulan-Agostu 2025.

Iha Reuniaun Ronda-dahuluk ne’e, parte rua to’o iha konkluzaun ida ho kompromisu atu solusiona baliza tasi Timor-Leste ho Indonézia tuir lei dirietu internasional no Konvensaun Nasoins Unidas kona-ba Direitu Tasi nian (UNCLOS, sigla Ingles).

Iha Negosiasaun ronda daruak nian hala’o iha loron 08-10 fulan-Dezembru 2025 iha Jogjakarta no parte rua; RDTL-RI diskute kestaun tékniku no jurídiku ho espíritu konstrutivu.

Negosiasaun ba delimitasaun fronteira maritíma entre Timor-Leste ho Repúblika Indonézia ba ronda da-toluk nian durante loron tolu, 27-29 fulan-Abril 2026 iha Singapura, hamosu entendimentu di’ak ba solusaun.

Primeiru-Ministru, Kay Rala Xanana Gusmão ne’ebé akompaña ekipa negosiasaun Timor-Leste nian iha negosiasaun ronda da-toluk iha Singapura, konfirma katak negosiasaun ne’e iha susesu bo’ot tebtebes tanba parte rua loke-an, rona-malu no konsege iha entendimentu ida hodi la’o tuir de’it Lei Direitu Internasional Tasi nian.

Jornalista: Cristina Ximenes

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!