Ouvir RAFA Ritmo, Voz e Coração de Timor
Díli, 19 Novembru 2026 (RAFA)- Komandante Polísia Nasionál Timor-Leste (PNTL) Munisípiu Díli, Komisáriu Asistente Polísia Orlando Gomes, informa Polísia detein ona suspeitu ne’ebé oho Palomita Gusmão Guterres iha Tasi-Tolu, Kuarta liubá.
Tuir kronolojia ne´ebé arolla husi PNTL iha katak iha Kuarta, 18 Novembru-ne’e, haleu tuku 14:45 OTL kontese suspeitu sona vítima iha kuartu laran iha Aldeia 12 de Outubro, Tasi-Tolu.
Hafoin sona tiha vítima, suspeitu aprezenta an kedas iha Eskuadra Polísia Dom Aleixo hodi kontinua ba prosesu detensaun.
“Horseik kedas ita nia patrollamentu tun kedas ba iha lokál krime hodi asegura evidensia sira hotu hodi kontinua akompaña matebian mai iha klínika Comoro, tanba grave liu entaun ambulansia lori liu ba iha Ospitál Nasionál Guido Valadares. Agora suspeitu asegura iha Eskuadra Dom Aleixo halo identifikasaun,” Komisáriu Asistente Polísia Orlando Gomes infroma.
Komandante ne´e afirma, ekipa investigasaun kontinua akompaña prosesu autopsi ba matebian Palomita Gusmão Guterres, hodi kontinua ba Ministériu Públiku.
Suspeitu alegadamente komete omisídiu agravadu. Tanba suspeitu obriga vítima iha área Hudi-Laran hodi lori ba Tasi-Tolu mak sona vítima.
Orlandu Gomes afirma autoridade seguransa sei bolu ema sira ne’ebé halo vídeo viral iha média sosiál. Investigadór sei notifika sira hotu hodi mai presta deklarasaun para kompleta prosesu investigasaun.
“Ita seidauk hatene motivu loloos, maibé tuir konfesa ka informasaun husi suspeitu katak, ita nia matebian lakohi ona nia entaun dalaruma ho ida-ne’e mak tenta hodi halo sona ita nia matebian,” esplika Komandante ne´e.
Komandante Munisípiu Díli ne´e husu ba sidadaun hotu bainhira mosu asaun hanesan ne’e iha públiku tenke hato’o lalais ba polísia hodi halo atuasaunn, atu asegura labele mosu insidente sira ne´ebé too ema lakon vida hanesan saida mak akontese ba Palomita Gusmão Guterres.
Daudaun ne’e mate-isin Palomita Gusmão Guterres nia prosesu autopsia finaliza ona no mate-isin entrega on aba família sira hodi prepra ba funeral.
Jornalista: Juvinal Cabral dos Santos
Written by: RafaFM
PNTL Detein Suspeitu Oho Palomita Gusmão Guterres iha Tasi-Tolu
todayNovember 20, 2026 3 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt