Justisa no Krime

Tribunál Aplika Pena Multa US$450.00 Bá Diretór DNSEP Ne’ebé Utiliza Veíkulu Estadu Ba Interese Privadu

todayNovember 17, 2026 107 5

Background
share close

Díli, 17 Novembru 2026 (RAFA)- Tribunál Judisiál Primeira Instánsia Díli (TJPID) aplika pena multa ho montante US$450,00 bá  Diretór Jerál Diresaun Nasionál Seguransa Edifísiu Públiku (DNSEP), Rogerio de Araújo  ne’ebé provadu utiliza veíkulu Estadu ba fins privadu hodi tula oan bá eskola.

Juíz turnu Rosito Domingos Guterres konfirma  prova katak arguídu Regeiro de Araújo nu’udar Diretór-Jerál Diresaun Nasionál Seguransa Edifísiu Públiku, la nega prova ne’ebé Minitériu Públiku akuza katak faktu  bá utiliza veíkulu Estadu ba interese privadu.

Prokuradór Domingos Goveia Leite  ne’ebé reprezenta MP haree katak iha indisiu forte bá krime pekulatu bá uzu,  nune’e husu  Tribunál atu aplika pena suspensaun nu’udar parte ida hanesan  bolu antesaun bá arguidu sira atu la bele kontinua utíliza sasán Estadu nian bá fins privadu

Parte Defeza liu-husi Defensór Públiku  Marçal Mascarenhas ne’ebé fó asisntensia legál arguidu na’in-rua, husu  Tribunál atu aplika pena administrasaun, fó hanoin bá arguidu sira atu nune’e labele kontinua utiliza  veíkulu Estadu   tula família la’o pasiar iha Díli laran.

Tribunál halo análize bá faktu ne’ebé iha kona-bá utilizasaun veíkulu Estadu  no bazeia lei iha Artigu 83 kona-bá  médida kombate Koporupsaun, Tribunál haree katak  arguidu nia  hahalok ne’e priense elementu sujetivu bá krime pekulatu ba uzu.

Juíz Rosito Domingos Guterres liu-husi nia despaisu deside aplika Pena konkreteta fulan-tolu bá prizaun,  substitui ho  pena  multa taxa dária pur-dia  US$5.00 to’o US$450.00, ho prazu  durante loron-90 ka fulan-tolu.

Bá Arguidu Konseleiru Konsellu Intelijénsia Timor-Leste Parlamentu Nasionál  Virgilio da Costa Babo, Tribunál liu-husi José Maria de Araújo Aplika Pena Administrasaun  ho kustu Judisiariu  US$100.00.

Julgamentu sumariu ne’e preside husi Juíz  Rosito Domingos Guterres, Ministériu Públiku reprezenta husi Prokuradór Domingos Goveia Leite, Arguidu sira hetan asistensia legál husi Defensór públiku Marçal Mascarenhas.

Jornalista: Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!