Justisa no Krime

Tribunál Díli Aplika Prizaun Preventiva Bá Arguidu Taa Nia Oan-Feto

todayNovember 5, 2026 55 5

Background
share close

Díli, 05 Novembru 2026 (RAFA)- Tribunál Judisiál Primeira Instánsia Díli (TJPID) aplika medida koasaun prizaun preventiva ba arguídu ida ne’ebé alegadu bá kazu  taa mate nia oan-feto, Dalia Moujinho Dias (23) iha  Ermera iha loron 20 fulan-Ourtubru,  foin lalais ne’e.

Iha audénsia julgamentu ne’ebé Tribunál Díli, Kinta-ne’e, arguídu konfesa  faktu sira ne’ebé Minitériu Públiku imputa  hasoru nia, katak faktu ne’e loos hotu.

Ministériu Públiku akuza arguídu ho krime omisídiu agravadu no  arma branka, tanba alegadamente arguídu uza tudik hodi atake nia oan feto to’o hakotu is.

Prokuradór Ricardo Leite, reprezenta Ministériu Públiku, solita bá tribunál atu aplika prizaun preventiva, enkuantu Defensór Públiku José da Silva husu Tribunál  aplika medida koasaun aprezentasaun periódika, tanba arguídu la nega faktu.

Bainhira rona tiha alegasaun husi parte Ministériu Públiku no Defesóriu Públiku, Juíz Naasson Mario Sarmento, liu-husi  nia despasu hakotu hodi  aplika medida koasaun prizaun preventiva bá arguídu.

Tuir Kronolojia katak, kazu ne’e akontese bainhira problema entre arguídu no nia feen hamosu diskusaun.

Iha situasaun ne’e, arguídu deskontrola emosaun no ikus mai akontese insidente  no arguídu taa nia oan-feto hetan kanek grave.

Hafoin insidente ne’e, arguídu  mós tenta atu oho nia-an rasik ho tudik, hodi kanek iha área kakorok. Maibé nia konsege hetan tratamentu médiku iha Ospitál Nasionál Guido Valadares, (HNGV)  hafoin  Polísia ho médiku  sira evakua nia.

Vítima, Dalia Moujinho Dias, hetan kanek iha área hasan, ulun, kabas, no maske hetan tratamentu, iha HNGV, maibé la konsege salva to’o  vitíma hakotu iss iha loron 23 fulan-Outubru 2026.

 Jornalista: Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!