Ouvir RAFA Ritmo, Voz e Coração de Timor
todayOctober 29, 2026 98 2
Díli 29 Outubru 2026 (RAFA) Díli– Tribunál Judisiál Primeira Instánsia Díli (TJPID), Kinta-ne’e, aplika médida koasaun aprezentasaun periódika bá arguida na’in-lima ne’ebé baku membru Polísia Nasionál Timor-Leste (PNTL) iha Postu Polísia Na’in Feto, Díli.
Julgamentu Primeiru Interogátoriu ne’e, Ministériu Públiku reprezenta husi Prokuradór Bartolomeiu de Araújo halo promosaun bá tribunál hasoru arguidu na’in-lima ho krime obstrusaun ba autoridade públika.
Tuir Kronolojia ne’ebé iha katak, kazu ne’e akontese bainhira polísia feto ida lori arguidu na’in-lima ba eskuadra polísia atu halo identifikasaun kona-bá disputa rai entre feton no na’an iha área Bemori, Dili.
Bainhira to’o iha eskuadra polísia, arguidu sira halo asaun kontra polísia ne’e, tanba ne’e mak rezulta detensaun bá arguidu na’in-lima ne’e.
Prokuradór titulár iha nia alegasaun husu Tribunál atu aplika medida koasaun aprezentasaun periódika bá arguidu sira ho obrigasaun atu aprezenta-an periódikamente fulan ida dala ida.
Parte defeza konkorda ho pedidu ne’e, nune’e, juíza Ercília de Jesus iha desizaun ne’ebé nia hatún aplika medida koasaun aprezentasaun periódika fulan ida dala ida iha Ministériu Públiku.
Maske nune’e, advogadu Privadu, Octávio Cardoso, ne’ebé fó asisténsia bá arguidu sira la konkorda ho desizaun tribunál nian no sei halo rekursu kontra despadu ne’e refere.
“Depois ha’u haree bá sirkunstansia ne’ebé balu haree bá tempu, no mós iha direitu organizasaun bá liberdade liu-liu médidia koasaun ne’ebé aplik, defeza iha prosesu ne’e sei halo rekursu hodi kontra despaisu refere,” hatete Advogadu Privadu Otavio Cardoso.
Nia dehan, hanesan asisténsia bá arguidu sira, nia iha fiar ne’ebé metin ho rekursu ne’e, no tribunál sei halo alterasaun bá medida koasaun ne’ebé aplika ona bá ninian kliente sira, tanba ne’e direitu liberdade ema ida-idak ninia ne’ebé kontrui iha Konstitusaun RDTL.
Jornalista: Marcelino Tomae
Written by: RafaFM
Baku Membru PNTL Tribunál Aplika Médida Koasaun Aprezentasaun Periódika Bá Arguidu Na'in-Lima
todayNovember 20, 2026 4 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt