Justisa no Krime

PNTL Detein Joven Na’in-Haat Suspeitu Ba Konfrontu Arte-Marsiál iha Beto

todayOctober 27, 2026 59

Background
share close

Díli, 27 Outubru 2026 (RAFA)- Polísia Nasionál Timor-Leste (PNTL) detein joven na’in-haat ne’ebé suspeita ba konfrontu fiziku entre membru grupu arte-marsiál iha iha área Beto, Díli, Segunda-ne’e.

Komandante PNTL Munisípiu Díli, Komisáriu Asistente Polísia Orlando Gomes haktuir, iha Segunda-kalan konfrontu ida iha áre Beto, joven sira akompaña mate isin husi Ospitál Nasionál Guido Valadares  (HNGV) ne´ebé hanesan membru  husi grupu arte-marsiál balun bainhira to’o iha besik edifisiu Konsellu Veteranus nian iha atake ida husi grupu balu arte-marsiál seluk hodi  hamosu konfrontu no tuda- malu.

“Polísia atua hodi lansa mós gás lakrimojéniu. Joven sira barak husi grupu arte-marsiál rua atake malu no konsege sobu tenda oan ida ne’ebé baibain fa’an tua sabu,” Komisáriu Asistente Polísia Orlando Gomes informa ba jornalista sira iha  Tersa-ne’e.

Iha konfrontu ne’e autoridade seguransa husi Tasck Force, Unidade Espesial Polísia (UEP),  Batailaun Orden Públika  (BOP), no  Polísia  Eskuadra Dom Aleixo, Eskuadra Na’in Feto inklui Polísia Militár  (PM) ho korpu  Bombeiru, halo kedas atuasaun hodi kaptura  suspeitu na’in-haat.

“Iha kazu ne’e ita kaptura suspeitu  sira ne’ebé tuda hodi detein ihe sela Polísia Eskuadra Dom Aleixo hodi submeter ba identifikasaun no investigasaun,”  Orlando Gomes informa.

Komandante Munisípiu Dili mós konsidera, ida ne’e krime nune’e sei prosesa tuir Leí ne´ebé vigora, tanba perturba orden públika no estraga motór ida, karreta, no sasán sira seluk.

Komandu PNTL Munisípiu Díli alerta ba joven sira tenke hakmatek pasensia no respeita loron importante sira iha fulan-Novembru, labele konsumu tua hodi mosu provokasaun atu nune’e asegura nafatin páz no estabilidade iha kapitál Díli.

PNTL mós sei hasae patrollamentu iha tempu kalan hodi halo atuasaun ba konflitu sira, nune’e mós sei koloka membru  iha postu polísia sira ba fatin sira ne’ebé risku ba konflitu, atu nune’e ema hotu-hotu hakmatek simu loron importante finadu, loron Masakre Santa Kruz 12 Novembru no loron proklamasaun independensia 28 Novembru.

Jornalista: Juvinal Cabral dos Santos

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!