play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

2026, Timor-Leste Nia Reseita Domestika Atinje Millaun 261.4 USD

todayOctober 23, 2026 8

Background
share close

Atividade iha Portu Tibar ne'ebé kontribui mós reseita ba Estadu. Imajen/dok.Timor Port

Díli, 23 Outubru 2026 (RAFA)- Ministra Finansa, Santina José Rodrigues F. Viegas Cardoso,  aprezenta katak reseita domestika Timor-Leste nian iha tinan 2026 atinje millaun 261.4 USD.

“Orsamentu reseita ita nian tuir prosezaun ne’ebé iha ba 2026, reseita domestika totál inklui  rejiaun Administrativa Espesial Oé-cusse Ambeno RAEOA, millaun 261.4 USD no to’o Outubru 2026, ita koleta ona millaun 209.64 USD ka 77%,” hatete Ministra Finansa Santina José Rodrigues F. Viegas Cardoso iha  audiénsia públika ho Komisaun C ho Komisaun G Parlamentu Nasionál, Sesta-ne´e.

Ministra Finansa esplika, reseita domestika ne’e mai  husi impostu seletivu konsumu nian millaun 57.9 USD, impostu ba rendimentu la’ós saláriu millaun 34,6 USD, impostu ba venda millaun 25.8 USD,  direitu importasaun millaun 20 USD, impostu ba saláriu millaun 21 USD, impostu ba servisu millaun 5.1 USD,  impostu reseita  la’ós fiskál millaun  33.1 USD, reseita la’ós fiskál administrasaun sentrál no reseita la’ós husi RAEOA  mill 800 USD ka 13%.

Ministra Finansa ne’e adianta katak to’o loron 20 fulan-Outubru 2026 reseita domestika koleta ona  milllaun 209.64 USD ka 64% husi estimativu millaun 261.4 USD husi Orsamentu Jeral Estadu  2026 ho montante billlaun 2.291 USD ne’ebé Governu aloka.

Jornalista: Zita Menezes

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!